قازاقستاندا قانشا ءتۇرلى ۇلت بولسا، سونشا ءتۇرلى ادام بار. ەلىمىزدە 100-دەن استام ەتنوستار كەلىسىم مەن بىرلىكتە تاتۋ-ءتاتتى ءومىر سۇرەدى.

ءبىر-بىرىمەن تاجىريبە الماسۋ جانە وڭىرلەردەگى قحا-لاردىڭ ءتيىمدى قارىم-قاتىناسى ءۇشىن سولتۇستىك قازاقستان وبلىسىنداعى «قوعامدىق كەلىسىم» كمم 100-دەن استام ادامدى بىرىكتىرگەن «بىرلىگىمىز جاراسقان» فورۋمىن ۇيىمداستىردى. فورۋمعا قاتىسۋ ءۇشىن رەسپۋبليكامىزدىڭ ءار ايماعىنان كەلگەن «قوعامدىق كەلىسىم» كمم ارىپتەستەرىمىز بەن وبلىستاعى بەلسەندى جاستار كەلدى. ايىرتاۋ اۋدانى ءوز باي تابيعاتىمەن تانىمال، بۇل جەردە حوش ءيىستى قاراعايلار، تاۋلار، ءمولدىر كولدەر كوپ. وسى سۇلۋ تابيعاتتىڭ اياسىندا «وليمپيەتس» سپورت لاگەرى ورنالاسقان. وسىندا وتكىزىلگەن ءۇش كۇن ىشىندە قاتىسۋشىلار قىزىققا تولىق باعدارلامالارعا قاتىستى.

ءبىرىنشى كۇنى قوناقتاردى ورنالاستىرىپ بولعان سوڭ، بلوكتاردىڭ،  اتاپ ايتقاندا، ترەنينگتەر مەن سۇحباتتاسۋ الاڭدارىنىڭ بەلسەندى جۇمىسى باستالدى. وڭىرلەردەن كەلگەن «قوعامدىق كەلىسىم» كمم-ءنىڭ قىزمەتكەرلەرى جۇمىستاعى تاجىريبەسىمەن ءبولىسىپ، قازاقستان حالقى اسسامبلەياسىنىڭ وزەكتى ماسەلەلەرى تۋرالى اڭگىمەلەستى. قازاقستان رەسپۋبليكاسىنىڭ پرەزيدەنتى جانىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسىندەگى عىلىمي-ساراپتامالىق سۇيەمەلدەۋ جانە ادىستەمەلىك قامتاماسىز ەتۋ قىزمەتىنىڭ باسشىسى شايمۇحانبەتوۆا جاننا كاكىبايقىزىنىڭ ايتۋى بويىنشا، ءىس-شارانىڭ وسىنداي بەيرەسمي ءپىشىمى جەمىستى ناتيجە جانە قاتىسۋشىلارعا بارىنشا وڭ ەموتسيا بەرەدى.

ارىپتەستەر الدىندا وبلىستىق بولىمدەر مەن قۇرىلىمدار باسشىلارى ءسوز سويلەدى. سقو قحا انالار كەڭەسىنىڭ ءتورايىمى  سمايلوۆا كۇلىمكوز كەڭەس قىزمەتى تۋرالى ايتىپ، ءوز ۇيىمىنىڭ جۇمىس تاجىريبەسىمەن ءبولىستى. ول قاتىسۋشىلار ءوز ىنتىماقتاستىعىن كورسەتۋگە باعىتتالعان  قىزىق «كۆەست» وتكىزدى. كۇلىمكوز قايىربايقىزى انالار كەڭەسى وتباسىندا سۇيىسپەنشىلىك پەن قۇرمەتتى تاربيەلەۋگە باعىتتالعان ءىس-شارالاردى وتكىزۋ قاجەتتىگىن، سەبەبى ۇلت رۋحى وسىعان بايلانىستى ەكەندىگىن اتاپ ايتتى.

وبلىستاعى ءدىن جاعدايى تۋرالى, «تالداۋ جانە كونفەسسياارالىق قارىم-قاتىناستى دامىتۋ ورتالىعى» كمم-ءنىڭ تالداۋ جانە الەۋمەتتىك زەرتتەۋ ءبولىمىنىڭ باسشىسى  موگۋنوۆ سەرگەي ۆيكتوروۆيچ اڭگىمەلەپ بەردى.

قازاقستان حالقى اسسامبلەياسى قايىرىمدىلىق قىزمەتىنىڭ ۇيلەستىرۋشىسى بولىپ كەلەدى جانە ەلدە قايىرىمدىلىق مادەنيەتىن تاربيەلەۋ - ءبىزدىڭ تىكەلەي مىندەتىمىز. وسى تۋرالى سقو قحا قۇرىلىمدارىمەن جۇمىس ىستەۋ جانە قوعامدىق-كوپشىلىك ءىس-شارالار ۇيىمداستىرۋ ءبولىمىنىڭ باسشىسى كۇنسۇلۋ ابىلايقىزى يلكەنوۆا وي ءبولىستى. ول مەتسەناتتىقتى تانىمال ەتۋدىڭ نەگىزگى ادىستەرى تۋرالى باياندادى.  ونىڭ  ايتۋىنا قاراعاندا، بۇگىنگى كۇندە الەۋمەتتىك جەلىلەر – قوعاممەن جۇمىس ىستەۋ جانە ادامداردى تارتۋداعى مىقتى قۇرال. الەۋمەتتىك پاراقشا جۇرگىزۋ، پوستتاردى ساۋاتتى جازۋ، اقپاراتتى اشىق مازمۇندامالاۋ ماسەلەنى شەشۋ ءۇشىن قوعام نازارىن اۋدارۋعا كومەكتەسەدى. سونداي-اق، وتكەن جىل مەن قازىرگى جىلدا وتكىزىلگەن ءىس- شارالارىمىزدىڭ ناتيجەسىن بەينەرولىكتەردە كورسەتتى.

ءىس-شارا سوڭىندا  سولتۇستىك قازاقستان وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسىنىڭ باسشىسى  ەسقوجا اسەمگۇل نايمانقىزى «قوعامدىق كەلىسىم» كمم-ءنىڭ قازاقستان حالقى اسسامبلەياسىمەن ءوزارا ءىس-ارەكەتى تۇتاستاي العاندا قحا دامۋ تۇجىرىمداماسىن ىسكە اسىرۋدىڭ قاجەتتى شارتى رەتىندە» تاقىرىبىندا ءسوز سويلەدى. بۇل ۋاقىتتا، فورۋم اياسىندا، پراكتيكالىق پسيحولوگ قر جاتتىقتىرۋشىلارى ۇلتتىق پۋلىنىڭ جاتتىقتىرۋشىسى، ماگيستر  عاليا بايازيتوۆا «داۋلاردى باسقارۋ ارەكەتى كەزىندەگى تۇلعالىق دامۋ. توپتا قارىم-قاتىناستى جانە كوممۋنيكاتيۆتىك داعدىلاردى دامىتۋ» ترەنينگتەرىن وتكىزدى.

ال، Brainstorm ماركەتولوگتار مەكتەبىنىڭ نەگىزىن قالاۋشىسى  دامير تىلەۋباەۆ «ينتەرنەت-ماركەتينگ» تاقىرىبىندا بايانداما جاساپ، ءوز ۋاقىتىڭدى قالاي دۇرىس پايدالانۋ كەرەكتىگى جانە قالاي تابىستى بولۋعا بولاتىنى تۋرالى كوپتەگەن مىسالدار كەلتىردى.

بلوكتارمەن جۇمىستار بىتكەن سوڭ قاتىسۋشىلار «بىرلىگىمىز جاراسقان» فورۋمىنىڭ رەسمي اشىلۋىنا قاتىستى. ءار لاگەردە بولاتىنداي، مۇندا دا  قاتىسۋشىلار جاساقتارعا ءبولىندى، سوندىقتان ءوز پرەزيدەنتى مەن مينيسترلەرى بولۋى كەرەك. ولاردىڭ ءبارى قۇلشىنىسپەن جانە شىعارماشىلىق دەڭگەيدە  ناعىز سايلاۋ ناۋقانىن ۇيىمداستىردى. ءوز كانديداتتارىن ۇسىنىپ بولعان سوڭ، ولار ەڭ ۇزدىگىنە داۋىس بەردى. لاگەر پرەزيدەنتى بولىپ ايىرتاۋ اۋدانى جاستار رەسۋرسى ورتالىعىنىڭ ديرەكتورى  الماس قۇسپانوۆ سايلاندى.

كەلەسى كۇن تازا اۋادا جاپپاي جاتتىعۋدان باستالىپ، برەندتىك جۇرگىزۋشى، شوۋمەن ماكسيم كاسپەروۆيچ كوماندا قۇرۋ ترەنينگتەرىمەن جانە ويىندارمەن جالعاستىردى.

ءبىزدىڭ كۇشىمىز - بىرلىكتە، سوندىقتان فورۋمنىڭ باستى مىندەتى – ەلدىڭ ءار جەرىنەن كەلگەن ادامداردى بىرىكتىرى. قاتىسۋشىلار جاقىن تانىسىپ، ءبىر كومانداعا اينالدى. لاگەردەگى دوستىق اتموسفەرا، اندەر مەن بيلەر، كۇلكى مەن وڭ ەموتسيالار قاتىسۋشىلاردى بەلسەندى جۇمىسقا قۇلشىندىردى. جاستار – ەنەرگيا كوزى، مەملەكەتىمىزدىڭ قوزعاۋشى كۇشى. سوندىقتان دا، جاس ۇرپاقتاردى وتانسۇيگىش جانە وتانعا سۇيىسپەنشىلىك رۋحىندا تاربيەلەۋ وتە ماڭىزدى. «بىرلىگىمىز جاراسقان» فورۋمى اياسىندا ۇيىمداستىرۋشىلار «قازاقستاننىڭ اسپانىن  بويايىق» بوياۋلار فەستيۆالىن وتكىزدى.  100-دەن استام ءارتۇستى شوقتار كوككە ۇشىپ، ەلىمىزدەگى ءار ازامات اراسىنداعى دوستىقتى ءبىلدىردى.

وڭىرلەردەگى «قوعامدىق كەلىسىم» كمم-دەن كەلگەن ارىپتەستەرىمىز ايىرتاۋ اۋدانىنىڭ كورىكتى جەرلەرىنە ساياحات جاساپ، ايعانىم قونىسىنا، شوقان ۋاليحانوۆتىڭ مۇراجايىنا، قاراساي جانە اعىنتاي باتىرلاردىڭ مەموريالدىق كەشەنىنە باردى. كىشى باعدارلاما شەڭبەرىندەگى قىزىقتى ساياحات قوناقتارىمىزدى قۋاندىردى، سەبەبى بۇل ەلىمىزدىڭ تاريحي ەسكەرتكىشتەرى مەن حالىق يگىلىگى عوي.  ولاردى جەرگىلىكتى تابيعات تا تاڭ قالدىرىپ، قىزىقتىردى.

قىزىققا تولى كۇننىڭ اياعىندا «وليمپيەتس» لاگەرىنىڭ باستى ساحناسىندا جاساقتاردىڭ تۇساۋكەسەرى وتكىزىلدى. ءتورت كوماندا ءوز ۇراندارى مەن شىعارماشىلىق نومىرلەرىمەن شىقتى. قاتىسۋشىلار ءان ايتتى، ولەڭدەر وقىدى، بيلەر بيلەدى جانە كىشكەنتاي قويىلىمدار دا قويدى. كەش الاۋ قاسىندا مەرەكەلىك كەشكى اسپەن اياقتالدى.

كەلەسى كۇنى ۇيىمداستىرۋشىلار فورۋمنىڭ قورتىندىسىن شىعارىپ، قاتىسۋشىلارعا العىس ءبىلدىردى جانە سەرتيفيكاتتارمەن ماراپاتتادى. وسى ءۇش كۇن ىشىندە ءبىز جاڭا ءبىر ناسرسەگە ۇيرەتىپ قانا قويعان جوقپىز، ءوز الەۋەتىن كورسەتۋگە مۇمكىندىك بەرىپ، قاتىسۋشىلاردى بىرىكتىردىك. ءبىز ولاردىڭ ارقايسىسىنا ولاردىڭ كوڭىل-كۇيى مەن بەلسەندى ازاماتتىق ۇستانىمى ءۇشىن العىسىمىزدى بىلدىرەمىز!

«بىرلىگىمىز جاراسقان» فورۋمى جوعارى دەڭگەيدە وتكىزىلگەنى ءۇشىن سەرىكتەستىكتەرىمىزگە ريزاشىلىعىمىزدى بىلدىرەمىز. وڭىرلەردەگى  «قوعامدىق كەلىسىم» كمم مەن قر پرەزيدەنتى جانىنداعى «قوعامدىق كەلىسىم» رمم وسىنداي ءىس-شارالاردى ءداستۇرلى تۇردە وتكىزىپ، جالعاستىرادى دەپ ۇمىتتەنەمىز. سەبەبى، دوستىق، قۇرمەت جانە ءوزارا تۇسىنىسۋشىلىك ارقاشان جانە ءار جەردە: وتباسىمىزدا، مەكتەپتە، جۇمىستا، ءار قالا مەن دالانىڭ الاڭدارىندا بولۋى كەرەك. ءار ازاماتتىڭ جۇرەگىندە  بەيبىتشىلىك پەن كەلىسىم بولسا، ول ەلىمىزدە دە بولادى. جانە ءبىزدىڭ باستى كۇشىمىز – بىرلىكتە!

شاراعا قاتىسىپ كەلگەن ءشارىپحان قايسار

Abai.kz