ءدىني ادەبيەتتى جانە ءدىني مازمۇنداعى وزگە دە اقپاراتتىق ماتەريالداردى، ءدىني ماقساتتاعى زاتتاردى تاراتۋ ءۇشىن ارنايى ستاتسيونارلىق ءۇي-جايلاردىڭ، سونداي-اق عيبادات ۇيلەرىنەن (عيماراتتارىنان) تىس جەرلەردە ءدىني ءىس-شارالاردى وتكىزۋگە ارنالعان ءۇي-جايلاردىڭ ورنالاستىرىلۋىن ايقىنداۋ جونىندەگى جاڭا نۇسقاۋلىق قابىلداندى، - دەپ حابارلايدى اباي-اقپارات.

قازاقستان رەسپۋبليكاسى ءدىن ىستەرى جانە ازاماتتىق قوعام ءمينيسترى ن. ەرمەكباەۆتىڭ 2013 جىلعى 9 ماۋسىمداعى «ءدىني ادەبيەتتى جانە ءدىني مازمۇنداعى وزگە دە اقپاراتتىق ماتەريالداردى، ءدىني ماقساتتاعى زاتتاردى تاراتۋ ءۇشىن ارنايى ستاتسيونارلىق ءۇي-جايلاردىڭ، سونداي-اق عيبادات ۇيلەرىنەن (عيماراتتارىنان) تىس جەرلەردە ءدىني ءىس-شارالاردى وتكىزۋگە ارنالعان ءۇي-جايلاردىڭ ورنالاستىرىلۋىن ايقىنداۋ جونىندەگى نۇسقاۋلىقتى بەكىتۋ تۋرالى» № 89 بۇيرىعى 2017 جىلعى 3 تامىزدا ادىلەت مينيسترلىگىندە رەسمي مەملەكەتتىك تىركەۋدەن ءوتتى.

وسى ستاتسيونارلىق ءۇي-جايلاردىڭ جانە ءدىني ءىس-شارالاردى وتكىزۋگە ارنالعان ءۇي-جايلاردىڭ ورنالاستىرىلۋىن ايقىنداۋ تۋرالى نۇسقاۋلىقتا بىرقاتار جاڭالىقتار مەن وزگەرىستەر بار.

نۇسقاۋلىقتىڭ قابىلدانۋىمەن عيبادات ۇيلەرىنەن (عيماراتتارىنان) تىس جەرلەردە ءدىني ءىس-شارالاردى وتكىزۋگە ارنالعان ءۇي-جايلاردىڭ (نامازحانا) اشىلۋىنا قاتىستى تالاپتار كۇشەيتىلدى.

سونىمەن قاتار، عيبادات ۇيلەرىنەن (عيماراتتارىنان) تىس جەرلەردە ءدىني ءىس-شارالاردى وتكىزۋگە ارنالعان ءۇي-جايلاردا (نامازحانا)  دىني پارىزدارىن ورىنداۋشىلارعا  لايىقتى قىزمەت كورسەتىلۋىنە ەرەكشە نازار اۋدارىلدى.

اتاپ ايتقاندا، ءۇي-جايدىڭ (نامازحانانىڭ) جالپى اۋدانى 20 شارشى مەتردەن باستاپ 100 شارشى مەترگە دەيىن بولۋى، دارەت الۋ ءۇشىن قاجەتتى سانيتارلىق توراپپەن قامتاماسىز ەتىلۋى، قولدانىستاعى زاڭنامالارعا سايكەس سانيتاريالىق-ەپيدەميولوگيالىق سالاداعى نورماتيۆتىك قۇقىقتىق اكتىلەرگە ساي كەلۋى جانە كۇزەتتى باسقارۋ پۋلتىنا تىكەلەي شىعاتىن، ءدىني ءىس-شارالاردى وتكىزۋگە ارنالعان ءۇي-جايدى تولىق قامتيتىن بەينەكامەرالارمەن جابدىقتالۋى سەكىلدى تالاپتار ەنگىزىلدى.

جوعارىدا اتالعان تالاپتارعا جاۋاپ بەرە الماعان جاعدايدا ءۇي-جايلار (نامازحانا) اشۋعا جول بەرىلمەيدى جانە ءمۇنى جەرگىلىكتى اتقارۋشى ورگاندار وزدەرىنىڭ قاتاڭ باقىلاۋىندا ۇستايتىن بولادى.

سونداي اق، تەمىر جول جانە اۆتوۆوكزالدار، اۋەجايلار مەن پورتتاردا ءدىني ءىس-شارالاردى وتكىزۋگە ارنالعان ءۇي-جايلاردىڭ ورنالاسۋىنا قاتىستى  تالاپ ەتىلەتىن 300 مەتر الىنىپ تاستالدى. بۇل شارا دا ساپاردا جۇرگەن ازاماتتاردىڭ  وزدەرىنىڭ ءدىني قۇلشىلىقتارىن ورىنداۋلارىنا ىڭعايلى جاعداي جاساۋدان تۋىندادى.

جالپى العاندا، جاڭادان قابىلدانعان نۇسقاۋلىق ازاماتتاردىڭ زاڭدا كورسەتىلگەن قۇقىقتارى مەن بوستاندىقتارىن قامتاماسىز ەتۋگە باعىتتالىپ قابىلدانعانىن اتاپ كورسەتۋگە بولادى.

Abai.kz