اسا مارتەبەلى نۇرسۇلتان ءابىشۇلى!

ءسىزدى جانە بارشا وتانداستارىمىزدى 30 تامىز - قازاقستان رەسپۋبليكاسىنىڭ كونستيتۋتسياسى كۇنىمەن قۇتتىقتايمىز.

قۇدايعا تاۋبە، اتا زاڭنىڭ ارقاسىندا ورتاق تاريحي تاعدىر بiرiكتiرگەن قازاقستان حالقى 26 جىلدىڭ ىشىندە بايىرعى قازاق جەرiندە بىرلىگى جاراسقان، اينالاسىنداعى بارلىق ەلدەرمەن شەكاراسىن ايقىنداعان، دامۋدىڭ داڭعىل جولىنا تۇسكەن، الەمدىك قاۋىمداستىقتا ءوز ورنىن ويىپ تۇرىپ العان  مەملەكەت قۇردى. ەركiندiك پەن تەڭدiك جانە تاتۋلىق سالتانات قۇرعان، بەيبiتشiلىكتىڭ تۋىن بيىك كوتەرگەن، قازىرگى جانە بولاشاق ۇرپاقتار الدىنداعى جوعارى جاۋاپكەرشىلىگىن ەرتە سەزىنگەن وسىناۋ ۇلى دالا ەلىنىڭ ازاماتى بولۋ – ءبىز ءۇشىن زور ماقتانىش، اللانىڭ بەرگەن تەڭدەسسىز سىيى.

ءسىز وتكەن جىلدىڭ باسىندا مەملەكەتتىڭ تۇراقتىلىعى مەن مەملەكەتتىك باسقارۋ اپپاراتىنىڭ كۇشەيۋىنە ءتيىمدى بولۋ ءۇشىن جانە ناقتى ورىن العان جاعدايلارعا بايلانىستى كونستيتۋتسيامىزعا كەيبىر وزگەرىستەر مەن تولىقتىرۋلار ەنگىزىپ، پارلامەنت پەن ۇكىمەتكە 40-تان استام قۇزىرەتىڭىزدى تاپسىرادىڭىز. بۇل شەشىمىڭىز – ۇلى ەلىمىزدىڭ دەموكراتياعا قىزىلدى-جاسىلدى توڭكەرىستەرمەن ەمەس، تابيعي دامۋ جولىمەن باسقان زور قادامى بولىپ، تاريح بەتىنە جازىلدى. ءسويتىپ، «الدىمەن ەكونميكا، سوڭىنان ساياسات»، «كۇشتى پرەزيدەنتتىك باسقارۋ» دەگەن ۇستانىمىڭىزدى ءساتتى دە ناتيجەلى ورىنداعانىڭىزدى دالەلدەدىڭىز.

ۇلت جوسپارى – «100 ناقتى قادام» باعدارلاماڭىز، 2017 جىلعا ارناپ جاساعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىڭىز جانە «بولاشاققا باعدار: رۋحاني جاڭعىرۋ» ماقالاڭىز – ماڭگىلىك ەلىمىزدىڭ قارا شاڭىراعىن شايقلتاپاي، ماڭگى كوتەرىپ تۇراتىن ءۇش تىرەگى. سوقتىقپالى، سوقپاقسىز جەردەن جول تابا بىلگەن تاۋەلسىز قازاقستاننىڭ 25 جىلدا جيىپ-تەرگەن مول تاجىريبەسىن قورتىندىلاي وتىرىپ، بولاشاقتا ءبىزدى «نۇرسۇلتان سالعان نۇرلى جولدان» ماڭگى اداستىرمايتىن ەتىپ جاساپ بەرگەن شامشىراق ىسپەتتى قۇجاتى.

EXPO-2017 حالىقارالىق مامانداندىرىلعان كورمەسىنىڭ تمد-دا ءبىرىنشى بولىپ استانادا وتكىزىلۋى – الەم ەلدەرى الدىندا قازاقستاننىڭ بەدەلى مەن كۇش-قۋاتىن ايگىلەگەن تاڭعاجايىپ وقيعا رەتىندە باعالانۋدا.

ال، EXPO-2017 حالىقارالىق كورمەسى قارساڭىندا استانا تورىندە وتكەن دۇنيەجۇزى قازاقتارىنىڭ V قۇرىلتايىنىڭ تاريحي ماڭىزى مەن ءمانىن ءتىپتى دە باسا ايتقىمىز كەلەدى. ءسىز تاۋەلسىز قازاقستاننىڭ ىرگە تاسىن نىق قالاۋعا بىردەن-ءبىر نەگىز بولعان «كوشى-قون ساياساتىن ازاتتىق تاڭى انە-مىنە اتا باستاعان ساتتە-اق كورەگەندىكپەن جولعا قويىپ ۇلگىردىڭىز.  شەتتەگى قازاقتى اتاجۇرتىنا شاقىرۋ تۋرالى قازاق كسر مينيسترلەر كەڭەسىنە 1991 جىلعى 18 قاراشادا شىعارتقان «باسقا رەسپۋبليكالاردان جانە شەتەلدەردەن سەلولىق جەرلەردە جۇمىس ىستەۋگە تىلەك ءبىلدىرۋشى بايىرعى ۇلت ادامدارىن قازاق كسر-ىندە قونىستاندىرۋ ءتارتىبى مەن شارتتارى تۋرالى» №711 قاۋلىڭىز – ءبىز – شەتتەن ورالعان قارا ورمان قانداستارىڭىز ءۇشىن اتاجۇرتقا جول اشقان اقجولتاي شەشىم بولعانىن ءبىر ساتكە ۇمىتقان ەمەسپىز. ول قۇجاتتىڭ كوشىرمەسىن بويتۇمارداي قاستەرلەپ، ۇرپاقتارىمىزعا اماناتقا قالدىرامىز. ال،  18 قاراشا – مەرەكە!

ءوز پارمەنىڭىزبەن 2016 جىلى ءتورتىنشى مارتە وزگەرتۋلەر مەن تولىقتىرۋلار ەنگىزىلىپ، قايتا قابىلدانعان قازاقستان رەسپۋبليكاسى «حالىقتىڭ كوشى-قونى تۋرالى» زاڭى شەتتە جۇرگەن باۋىرلارىمىزدىڭ وتان قۇشاعىنا ورالۋىنا مەيىلىنشە كەڭ جول اشتى. قازاقستان رەسپۋبليكاسى ۇكىمەتىنىڭ 2016 جىلعى 18 اقپانداعى «ورالماندار مەن قونىس اۋدارۋشىلاردى قونىستاندىرۋ ءۇشىن وڭىرلەردى ايقىنداۋ تۋرالى» №83 قاۋلىسىنىڭ ءمان-ماعىناسىن دا ءبىز وتە تەرەڭ تۇسىنەمىز.

«وتانداس-ەل» رەسپۋبليكالىق قوعامدىق بىرلەستىگى – ءسىزدىڭ «كوشى-قون» دەگەن سول ۇلى ساياساتىڭىزدىڭ  ارقاسىندا تاۋەلسىزدىك جىلدارى قازقستانعا ورالعان، «قازاقستان رەسپۋبليكاسىنىڭ ازاماتى» ەكەنىن دالەلدەيتىن قاسيەتتى كوك پاسپورتقا قولدارى جەتكەن، بۇل كۇندە وتانىنان ءوز ورنىن تاپقان ءىنى-قارىنداستارىڭىزدىڭ قۇرعان زاڭدى ۇيىمى. ماقساتىمىز –  جارعىمىزعا ساي، ورالمانداردىڭ جانە قازاق دياسپوراسىنىڭ ەكونوميكالىق، الەۋمەتتىك، مادەني جانە وزگە دە ومىرلىك ماڭىزدى پروبلەمالارىن شەشۋگە قاتىسۋ. ءسىزدىڭ جۇرگىزىپ وتىرعان ساياساتىڭىزدى قولداۋ، حالىققا جەتكىزۋ، ءسويتىپ الىستان كەلگەن اعايىن مەن بيلىك اراسىنا دانەكەر بولۋ.

ءسىز ءبىزدىڭ بارشا تىلەگىمىزدى ورىنداپ كەلەسىز:

«تۇڭعىش پرەزيدەنتتىڭ كوشى-قون قورىن» قۇرۋدى ۇسىنىپ ەدىك، شەتتەگى جانە ەلگە كوشىپ كەلگەن اعايىنداردى قولداۋ ءۇشىن «وتانداستار» دەگەن قور قۇرۋ تۋرالى ۇكىمەتكە تاپسىرما بەردىڭىز.

سوتتالعانى نەمەسە سوتتالماعانى تۋرالى انىقتاما قىتايدان ورالعان قانداستارىمىزدىڭ تۇراقتى تىركەۋگە تۇرۋىنا كەدەرگى بولىپ كەلە جاتقانىن ايتىپ ەدىك، بۇل ماسەلەگە دە كوڭىل اۋدارىپ، شەشۋ تۋرالى قۇزىرلى ورىنعا بۇيرىق بەردىڭىز.

الىستاعى اعايىننىڭ ۇرپاعىنىڭ جاعدايىن ايتىپ، شىرىلداپ ەدىك، «ءبىز شەتەلدەگى قازاق باۋىرلارىمىزدىڭ بالالارىنا قازاقستاندا ءبىلىم الۋلارىنا بار جاعدايلارىن جاساۋىمىز كەرەك!» دەپ، ولارعا ءبولىنىپ كەلە جاتقان ءبىلىم الۋ كۆوتاسىن ەكى ەسەگە كوبەيتىپ تاستادىڭىز. ءتىپتى، «سىرتتا جۇرگەن باۋىرلارىمىزدىڭ ءبىر بولىگى – جاستار. ولار اسسيميلياتسياعا ءتۇسىپ، انا ءتىلىن ۇمىتىپ بارادى. ءبىز بۇعان ارا ءتۇسۋىمىز كەرەك. ۇكىمەت شەتەلدەگى قانداستارىمىز ىقشام ورنالاسقان وڭىرلەردە ولاردىڭ انا تىلىندە ءبىلىم الۋ مۇمكىندىكتەرىن قاراستىرۋى كەرەك» - دەپ، ۇكىمەتكە ۇستەمە تاپسىرما بەردىڭىز...

ەڭ باستىسى، «ەلىم، جەرىم دەپ ەڭىرەگەن ءاربىر قازاققا قازاقستاننىڭ ەسىگى ارقاشان اشىق، ايقارا اشىق. ەشكىمگە شەكتەۋ جوق!» - دەپ، قازاق كوشىنىڭ بولاشاق تاعدىرىنا نۇكتە قويدىڭىز.

ەندىگى جەردە الاتاۋ مەن ارقانى بەتكە العان قازاق كوشى ماڭگى توقتاماق ەمەس جانە ەندى ەشكىم، اشقاشان توقتاتا المايدى ونى! كوش- شەكارا سىرتىندا ءبىر قازاق قالعانشا جالعاسا بەرمەك، جالعاسا بەرمەك!

ءبىر سوزبەن ايتقاندا، وسىنىڭ ءبارى ماڭگىلىك ەلىمىزدىڭ بولاشاعى ءۇشىن جاسالعان ۇلى شەشىمدەر مەن ۇلى ەڭبەكتەر!

قۋانىش پەن مۇڭ قاتار جۇرەتىنى بەلگىلى عوي، ەسىگىمىز ايقارا اشىلىپ، زاڭىمىز كەمەلدەنگەن تۇستا، قحر-دا تۇراتىن قازاقتاردىڭ قازاقستانعا كەلۋى قيىنداپ كەتكەنى جانىمىزعا ايازداي باتادى. كورشى، دوس ەكى ەلدىڭ اراسىنداعى مۇنداي ماسەلەلەردىڭ ءسىز تۇرعاندا مايدان قىلشىق سۋىرعانداي ەتىلىپ شەشىلەتىنىنە سەنىمىمىز كامىل!

ءبىز سىزگە ءدان ريزامىز، اسا مارتەبەلى نۇرسۇلتان ءابىشۇلى.

«وتانداس-ەل» وتانى ءۇشىن وت پەن سۋعا تۇسۋگە دايىن!

«قازاقستان رەسپۋبليكاسىنىڭ كونستيتۋتسياسى كۇنى» مەرەكەسى تاعى دا  قۇتتى بولسىن!! الدا كەلە جاتقان قۇربان ايتىڭىز قابىل بولسىن!!!

«وتانداس-ەل»

رەسپۋبيليكالىق قوعامدىق بىرلەستىگى