اتىراۋ وبلىسىنا قاراستى قۇلسارى قالاسىنىڭ 5-ءشى ىقشاماۋداننىڭ ارتىندا ورنالاسقان، كەڭەس كەزىندە قۇرىلىسى بىتپەي تۇرىپ قالعان تاستاندى عيماراتتى ءبىر ورىس ازاماتى زاڭداستىرىپ، ويىن الاڭىن اشىپ العان. ويىن بولعاندا سيالى وقپەن اتىسىپ سوعىسۋ.

سوندا بۇل - جاستاردى سوعىسقا دايىنداۋ ما؟ قارۋ ۇستاپ مىلتىق اتۋعا باۋلۋ ما؟ ونسىز دا كەلىسىپ تۇرعانىمىز شامالى. كىم وندايعا رۇقسات بەرگەن؟ اركىم ويىنا كەلگەندى ىستەۋ - قۇلسارى قالاسىندا قارىشتاپ دامىعان، ول جاعىنان بايگە بەرمەسكە اينالعانبىز. "ويىن" دەگەن اتاۋمەن ويىنى وسىلعىرلار تيىن جاساۋدا. كىم بۇل "سۇمويناقتىڭ" تۇساۋىن كەسكەن؟ جانە بۇل جەردەن جاقىندا ويىن قارۋلارى ۇرلانىپتى...

بۇل - حالىقتىڭ جانايقايى، بۇل ماسەلەگە بەي-ءجاي قاراماۋ كەرەك. "كاسىپكەرلىكتى قولداۋ" بۇلاي جۇزەگە اسپايدى. مۇندايلاردى ويلاپ تاپقاندار كاسىپكەرلەر ەمەس، بۇلاردى قوي تەرىسىن جامىلعان ءشيبورى الاياقتار دەسە دە بولادى. ءبىر ادام بايىپ، قالعانى سونىڭ توڭىرەگىندە وپات بولاتىن بولسا، وندا سالىعىن تولەپ قويىپ، اشىقتان اشىق اپيىن ساتايىق، ۇيلەسە مە - وسى؟ ويلانىڭدار، ەل بيلەگىشتەر!

تۇرار شاپقارا

Abai.kz