تاجىكستان جوعارى وقۋ ورىندارىندا ءبىرىنشى رەت بەينە باقىلاۋلار پايدا بولدى
تاجىكستاننىڭ بىرقاتار جوعارى وقۋ ورىندارى مەن كوللەدجدەرىندە ءبىرىنشى رەت بەينە باقىلاۋلار ورناتىلعان. بۇدان بىلاي مەديتسينالىق، پەداگوگيكالىق جانە اگرارلى ۋنيۆەرسيتەت ستۋدەنتتەرى مەن وقىتۋشىلارى قاۋىپسىزدىك كامەراسىنىڭ ءجىتى باقىلاۋدا بولادى.
تاجىكستان پەداگوگيكالىق ۋنيۆەرسيتەت رەكتورى نوسيردجون ساليمي بەينە كامەرالار تەك عانا زالدا ەمەس، وقۋ اۋديتورياسىندا دا ورناتىلعانىن ايتادى.
«ەندى بۇدان بىلاي دەكانداردىڭ وقىتۋشىلار جۇمىسىن تەكسەرىپ وتىرۋدى قاجەت ەتپەيدى. ءبىز ءوزىمىز ءدارىستىڭ قالاي ءوتىپ جاتقانىن باقىلاپ وتىرامىز»، - دەيدى رەكتور.
اتالعان ۋنيۆەرسيتەت پرورەكتورى بوبودجون ساميەۆ بەينەكامەرا جەمقورلىق جاعدايىنا توسقاۋىل قويۋعا سەبەپ بولادى دەيدى. ونىڭ پىكىرىنشە، بۇل تىپتەن كوررۋپتسيالىق قىلمىستىڭ الدىن الادى.
Abai.kz
