سوچيدە اتامباەۆ پەن پۋتين كەزدەستى
قىرعىزستان پرەزيدەنتى المازبەك اتامباەۆ جۇمىس ساپارىمەن 14 قىركۇيەكتە سوچيگە بارىپ، رەسەي پرەزيدەنتى ۆلاديمير پۋتينمەن كەزدەستى. كەزدەسۋ بارىسىندا ەكىجاقتى ىنتىماقتاستىق ماسەلەلەرى تالقىلانعان.
"ەكىجاقتى ماسەلەلەردى مۇمكىندىك بەرىلگەن سايىن تالقىلاعان ماڭىزدى. وتكەن جولى ماسكەۋدە كەزدەسۋ كەزىندە ءبىز ميگرانتتاردىڭ جۇرگىزۋ كۋالىگى تۋرالى سويلەستىك. ءبارى دە شەشىلىپ جاتىر. مەنىڭ پرەزيدەنتتىك مەرزىمىم اياقالعانشا، كوپ ماسەلەلەردى شەشىپ كەتكىم كەلەدى. ءالى جەلتوقسان ايىنا دەيىن بىرنەشە كەزدەسۋ وتەتىنىنە قۋانامىن. ءبىز ەكى ەلدىڭ اراسىنداعى قارىم-قاتىناستى ودان ءارى دامىتا بەرۋىمىز كەرەك", - دەدى قىرعىز پرەزيدەنتى كەزدەسۋ بارىسىندا.
ۆلاديمير پۋتين ءوز كەزەگىندە ءاربىر كەزدەسۋ سايىن ەكى ەلدىڭ اراسىنداعى قارىم-قاتىناستىڭ ماڭىزى ارتا بەرەدى دەدى. ول ەكى مەملەكەت اراسىنداعى ساۋدا اينالىمىندا ىلگەرىلەۋ بار ەكەنىن دە تىلگە تيەك ەتتى.
ءپۋتيننىڭ سوزدەرىنشە، قىرعىزستان ەۋرازيالىق ەكونوميكالىق وداققا كىرگەلى بەرى وزگە قاتىسۋشىلارمەن بەلسەندىلىگى ارتقان. "بۇل ارينە وڭ كورسەتكىش، بىراق كەيبىر ماسەلەلەرگە دە مۇقيات بولۋ كەرەك", - دەپ قورىتىندىلادى ول.
Abai.kz
