اباي حاكىم: «ءولدى دەۋگە سىيا ما، ويلاڭدارشى» دەپ كوكىرەگىن قارس ايىرعاندا، قانداي كۇيدە بولعانىن كىم بىلگەن؟! ادامنىڭ ومىرگە كەلۋى قانداي تابيعي بولادى ەكەن، ومىردەن ءوتۋى دە سونداي زاڭدى دەسەك تە، كىسى جۇرەگى قيمايتىن اسىل تەكتى ازاماتتار جەتەرلىك. قازاق رۋحانياتى تاعى ءبىر مارعاسقا ۇلىنان ايىرىلدى. دەگدار جان، قارىمدى قالامگەر، اقىن، قر مادەنيەت قايراتكەرى، حالىقارالىق «الاش» ادەبي سىيلىعىنىڭ يەگەرى دۇيسەنبەك قاناتباەۆ 70-كە تولعان شاعىندا دۇنيەدەن وزدى. جەتپىس جىلدىق زەردەلى ومىرىندە تالاي بەلەستەردى باسىپ، تالاي اسۋلاردان اسقان ەدى. قازاقتىڭ تەلە-راديولارىندا رەداكتورلىق قىزمەت اتقارىپ، بىرنەشە رەسپۋبليكالىق باسپانىڭ جۇمىسىن قىزدىرىپ، ونەگەلى ىستەرىمەن ورتاسىنىڭ القاۋىنا بولەنگەن ابزال جان تۋرالى ايتىلار ەستەلىكتەردىڭ كوپ ەكەندىگىن 30 قاراشا كۇنى جازۋشىلار وداعىندا وتكەن اقىنمەن قوشتاسۋ قارالى جيىنىندا بايقادىق. راديو مەن تەلەارنالاردا سۇبەلى، ورنەگى وزگەشە حابارلاردى جۇرگىزگەندەگى قوڭىر دا قويۋ داۋسى قۇلاعىمىزدىڭ تۇبىندە قوڭىراۋلاپ تۇرعانداي كۇيدى باستان وتكەردىك. جازارمان قاۋىم جەر-جەرگە، رۋ-رۋعا، ياكي توپ-توپقا ءبولىنىپ، ايتىسىپ-تارتىسىپ جاتقاندا، بۇ كىسى باياعى سابىرلى، سالقىنقاندى قالپىندا، بەكزات بولمىسىمەن جۇرەر ەدى قاسقايىپ. ەلدەر اتاق پەن داڭقتىڭ سوڭىنا شام الىپ تۇسكەندە، بۇ كىسى ءونىمدى ەڭبەك ەتىپ، جىر جيناقتارىن شىعارىپ جاتاتىن. جانە كىتاپتارى ءۇشىن الدەكىمدەرگە ءبالسىنىپ، ارزان مارتەبەگە ۇمسىنا بەرمەيتىن. مۇنىسى سۇتپەن بىتكەن دەگدارلىقتىڭ بەلگىسى ەدى.

اباي حاكىم: «ءولدى دەۋگە سىيا ما، ويلاڭدارشى» دەپ كوكىرەگىن قارس ايىرعاندا، قانداي كۇيدە بولعانىن كىم بىلگەن؟! ادامنىڭ ومىرگە كەلۋى قانداي تابيعي بولادى ەكەن، ومىردەن ءوتۋى دە سونداي زاڭدى دەسەك تە، كىسى جۇرەگى قيمايتىن اسىل تەكتى ازاماتتار جەتەرلىك. قازاق رۋحانياتى تاعى ءبىر مارعاسقا ۇلىنان ايىرىلدى. دەگدار جان، قارىمدى قالامگەر، اقىن، قر مادەنيەت قايراتكەرى، حالىقارالىق «الاش» ادەبي سىيلىعىنىڭ يەگەرى دۇيسەنبەك قاناتباەۆ 70-كە تولعان شاعىندا دۇنيەدەن وزدى. جەتپىس جىلدىق زەردەلى ومىرىندە تالاي بەلەستەردى باسىپ، تالاي اسۋلاردان اسقان ەدى. قازاقتىڭ تەلە-راديولارىندا رەداكتورلىق قىزمەت اتقارىپ، بىرنەشە رەسپۋبليكالىق باسپانىڭ جۇمىسىن قىزدىرىپ، ونەگەلى ىستەرىمەن ورتاسىنىڭ القاۋىنا بولەنگەن ابزال جان تۋرالى ايتىلار ەستەلىكتەردىڭ كوپ ەكەندىگىن 30 قاراشا كۇنى جازۋشىلار وداعىندا وتكەن اقىنمەن قوشتاسۋ قارالى جيىنىندا بايقادىق. راديو مەن تەلەارنالاردا سۇبەلى، ورنەگى وزگەشە حابارلاردى جۇرگىزگەندەگى قوڭىر دا قويۋ داۋسى قۇلاعىمىزدىڭ تۇبىندە قوڭىراۋلاپ تۇرعانداي كۇيدى باستان وتكەردىك. جازارمان قاۋىم جەر-جەرگە، رۋ-رۋعا، ياكي توپ-توپقا ءبولىنىپ، ايتىسىپ-تارتىسىپ جاتقاندا، بۇ كىسى باياعى سابىرلى، سالقىنقاندى قالپىندا، بەكزات بولمىسىمەن جۇرەر ەدى قاسقايىپ. ەلدەر اتاق پەن داڭقتىڭ سوڭىنا شام الىپ تۇسكەندە، بۇ كىسى ءونىمدى ەڭبەك ەتىپ، جىر جيناقتارىن شىعارىپ جاتاتىن. جانە كىتاپتارى ءۇشىن الدەكىمدەرگە ءبالسىنىپ، ارزان مارتەبەگە ۇمسىنا بەرمەيتىن. مۇنىسى سۇتپەن بىتكەن دەگدارلىقتىڭ بەلگىسى ەدى.

قوش بول، قادىرلى اعا! نۇرىڭىز پەيىشتە شالقىسىن!

«اباي-اقپارات»

دۇيسەنبەك قاناتباەۆ. دۋتار سازى

قالاۋىن تاپپاي قاسقايا توسقان قىرعىننان
الاپات جاۋلار اتىنىڭ باسىن مىڭ بۇرعان.
ۇلدارىم مەنىڭ جانىمەن ءۇنسىز قوشتاسىپ ،
نامىسى ءۇشىن شىڭعىرعان!

ايتۋلى باتىر ايىقپاي كەتكەن ايباردان
ارىندى بۇلاق اتقىلاي شاپقان قايناردان.
جارق ەتە قالعان قايقى بەل
الماس قىلىشتار
قاراڭعى تۇنگە اي بولعان!

ويى-قىرى ويماقتاي-اق وسى ايماق،
كورمەدى-اۋ ءبىر شاتتىعىنا ماسايراپ.
تۋ دالامدى تۋلاق ەتتى، قايتەيىن،
مىناۋ قىرعىن، مىناۋ سوعىس، ات ويناق.

تاۋدى توبە، قايراڭ قىلعان كولشىكتى
بۇل ويرانعا شىدار ەمەس جەر ءتىپتى.
ال قايرات قىل، قايران باحشىم، سەرىگىم،
استىڭداعى اقتابانىڭ مەرتىكتى.

قانسىراcاڭ نامىسىڭدى تىرەك ەت!
اق الماسپەن جاۋ جۇرەگىن ىرەپ ءوت!
نە بوپ قالدى؟ جەر قۇشتىڭ با،
انت اتقىر
كوتەر باستى! وتىرما ولاي جۇرەلەپ.

بۇدان-داعى تۇل بولعانىم كوپ جاقسى.
كوكىرەگىمدى باباۋراتپاي كەل، باحشى.
ەركەك بولىپ جاۋدان قورعاي المادىڭ،
ەندى ايەل بوپ تۋعان جەرگە توك جاستى.