Reuters اگەنتتىگىنىڭ حابارلاۋىنشا، 22 قىركۇيەكتە شۆەتسيا پروكۋراتۋراسى Telia كومپانياسىنىڭ (بۇرىنعى TeliaSonera) بۇرىنعى باسقارۋشى ديرەكتورى لارس نيۋبەرگ پەن وسى كومپانيانىڭ تاعى ەكى مەنەدجەرىنە ايىپ بەلگىلەدى.

ەسكە سالايىق، ءبىر كۇن بۇرىن، 21 قىركۇيەكتە وزبەكستاندا Ucell برەندىمەن جۇمىس ىستەيتىن Telia اقش جانە نيدەرلاندى بيلىگىنە وزبەكستانعا قاتىستى جەمقورلىق قىلمىستاردى رەتتەۋ ءۇشىن 965 ميلليون دوللار تولەيتىنىن جاريالاعان ەدى.

Telia مەن اقش ادىلەت مينيسترلىگى اراسىنداعى كەلىسىم بويىنشا، شۆەد كومپانياسى ءۇش جىل بويى تەرگەۋ ءىسى بويىنشا ارىپتەس بولادى. دەگەنمەن لارس نيۋبەرگتىڭ ءوزى تاعىلعان ايىپتاردى جوققا شىعاردى.

«ۇزاققا سوزىلعان ءىس نيۋبەرگتى اقتاپ شىعادى دەپ ويلايمىن. ويتكەنى ونى ايىپتاۋعا نەگىز جوق»، – دەدى ونىڭ ادۆوكاتى ستەفاني پلەيەلا.

ەسكە سالايىق، 2013 جىلى لارس نيۋبەرگ پەن Telia كومپانياسىنىڭ تاعى ءتورت توپ-مەنەدجەرى وتستاۆكاعا كەتتى. ەۋروپادا جۇرگىزىلگەن تەرگەۋ ناتيجەسى بويىنشا، لارس نيۋبەرگ وزبەكستاننىڭ ءبىرىنشى پرەزيدەنتىنىڭ قىزى گۇلنارا كارىموۆاعا ميلليونداعان پارا بەرگەنى بەلگىلى بولدى.

Abai.kz