EXPO-2017 كورمەسىنىڭ مارتەبەلى مەيماندارىنا ارنالعان كىتاپقا 130-دان اسا قولتاڭبا قالدىرىلىپتى. وعان بارلىعى ءۇش اي ىشىندە كورمەگە كەلگەن 28 مەملەكەتتىڭ باسشىسى مەن 70-تەن اسا مينيستر جانە 20-عا جۋىق ۇكىمەت باسشىسى، حالىقارالىق ۇيىم وكىلدەرى كورمەگە قاتىستى وي-پىكىرىن بىلدىرسە، ەندى بىرەۋلەرى تىلەكتەرىن جازىپتى. ۇيىمداستىرۋشىلار «قولتاڭبا» كىتابىن كوپشىلىك نازارىنا ۇسىنۋ ءۇشىن ونىڭ ەلەكتروندى نۇسقاسىن جاريالاۋدى جوسپارلاۋدا.  ال تۇپنۇسقاسى «نۇر الەم» كەشەنىندە ساقتالماق. «استانا EXPO-2017» ۇك اق دەپارتامەنت ديرەكتورى يليا ۋرازاكوۆتىڭ ايتۋىنشا، اتالمىش كىتاپ «نۇر الەم» كەشەنىندە قالدىرىلۋى مۇمكىن. كىتاپتىڭ ەرەكشەلىگى وندا قول قويعان تۇلعالاردىڭ ەرەكشە قۇتتىقتاۋلارى مەن تىلەكتەرىندە. اسىرەسە، دجيبۋتي پرەزيدەنتى مەن فيدجي، كاريب ارالى، تىنىق مۇحيتى ەلدەرىنىڭ ۇكىمەت باسشىلارى قولتاڭباسى قالعان كىتاپ كوپشىلىكتىڭ قىزىعۋشىلىعىن تۋدىرادى دەگەن سەنىمدە.

اباي-اقپارات