استانا. 30 قاراشا. قازتاگ –فينليانديا پرەزيدەنتى تاريا حالونەن ەقىۇ سامميتىنە قاتىسۋ ءۇشىن استاناعا كەلدى، دەپ قر ءسىم ءباسپاسوز قىزمەتىنەن حابارلادى.

«فينليانديا پرەزيدەنتى تاريا حالونەن باستاعان دەلەگاتسيا بار ۇشاق كەلىپ قوندى. اۋەجايدا ونى قر قورشاعان ورتانى قورعاۋ ءمينيسترى نۇرعالي ءاشىموۆ قارسى الدى»، - دەدى ءباسپاسوز قىزمەتىنەن.

باقىلاۋشىلاردىڭ مالىمەتتەرىنشە، سول كەزدە استانا اۋەجايىنىڭ ماڭىندا كۇشتى جەل تۇرىپ، اۋا تەمپەراتۋراسى -17°س اياز بولعان.

باعدارلاما بويىنشا ت. حالونەننىڭ قازاقستان پرەزيدەنتى نۇرسۇلتان نازارباەۆپەن كەزدەسۋى جوسپارلانعان.

ەسكە سالساق، ءدال وسى فينليانديا استاناسى حەلسينكيدە ەۋروپاداعى قاۋىپسىزدىك جانە ىنتىماقتاستىق كەڭەسىنىڭ (ەقىك) قورىتىندى اكتىسىنە – حەلسينكي كەلىسىمىنە – 1975-ءشى جىلى 30-شى شىلدە – 1-ءشى تامىزدا 35 مەملەكەتتىڭ باسشىلارى قول قويدى. كەڭەس (ەقىك) ۆارشاۆا كەلىسىمىنە قاتىسۋشى -  سوتسياليستىك مەملەكەتتەر باستاماسىمەن 33 ەۋروپالىق مەملەكەت پەن اقش جانە كانادانىڭ قاتىسۋىمەن ەۋروپاداعى قاۋىپسىزدىكتى نىعايتۋ جانە اسكەري قاراما-قارسىلىقتى باسەڭسىتۋدىڭ تۇراقتى ءىس باسىنداعى فورۋمى تۇرىندە قۇرىلعان بولاتىن.

1992-ءشى جىلى حەلسينكيدەگى كەزدەسۋدەن سوڭ، ەقىك-ءنى ساياسي ديالوگ فورۋمىنان اسەري-ساياسي تۇراقتىلىقتى ۇستاپ تۇرۋ مەن ىنتىماقتاستىقتى «ۆانكۋۆەردەن ۆلاديۆوستوكقا دەيىن» دامىتاتۋ ماقساتىن قوياتىن ترانسايماقتىق ۇيىمعا اينالدىرۋ ۇدەرىسى باستالدى. جاڭا ۇيىم – ەقىۇ – ايماقتىق جانە لوكالدى قاقتىعىستاردىڭ الدىن الۋ مەن رەتتەۋدە ءىس جۇزىندەگى سيپاتتاعى شارالار قابىلداي الاتىن كەڭ اۋقىمدى وكىلەتتىك الدى.