جۋرناليستيكانى جىن ۇرىپ كەتكەن. وي، كەشىرىڭىز، ءبارىن ەمەس، كەيىنگى كەزدە ساڭىراۋقۇلاقتاي قاپتاپ كەتكەن، ءداستۇرلى جۋرناليستيكانى تاپتاپ كەتكەن، كولدەنەڭ كولگىرسي قوسىلعان جۋرناليستەردى ايتامىن دا... بۇگىندە مادەني حابار-وشارلاردان ءمان كەتتى، ءتىپتى ايتار ويى ساياز بولىپ، ءسان كەتتى، اشەيىن الۋلايلاعان ءان كەتتى.

نە بولسا سونى جازاتىن بوولدى، انشىلەر مەن انشىسىماقتاردىڭ ارتىن دا، الدىن دا «كاسەمسوتپەن» قازاتىن بولدى. ەگەر انەبىر ءانشى مۇرنىن شۇقىلاسا، جۋرناليستەر: «مۇرىنعا وبال بولدى...» دەپ جازا سالادى. انشىلەردىڭ جەكە ومىرلەرىن «جەپ» قويدى... «ەندى قىز تۋايىن دەپ ءجۇر»، «قىدىرالى بولمانوۆتىڭ بۇرىنعى ايەلى بار ەكەن..»، «كامشات جولدىباەۆا ارتى جوق كويلەك كيىپ الىپتى!»، «جىنىسىن اۋىستىرعان تۇرىك اكتەرى ۇيلەندى»، "مەلومەن" توبى: توقال الۋ ءۇشىن كەلىنشەگىمىز بەن اتا-انانىڭ رۇقساتىن سۇرامايمىز!» سياقتى «قاتىندارسكي» تاقىرىپتارىن «ايقايلاتىپ» قويىپ جازعاندااا... جاعاڭدى ۇستايسىڭ!

انشىلەردىڭ اجىراسقانى، ۇرىسىپ قالعاندارى سياقتى ارزان جاڭالىقتار نە ءۇشىن كەرەك؟ بارىنەن دە مىنا جاڭالىق «ۇنادى»، كوڭىلىم سوعان قۇلادى: «ءلايلا سۇلتانقىزى ءتوسىن اشتى...» قۇدايىم-اۋ، وسى دا جاڭالىق پا؟ ءجۋرناليستىڭ ءلايلا سۇلتانقىزىنىڭ ءبىر كەشكە قانداي كويلەك كيىپ كەلەتىنىندە نە شارۋاسى بار؟ تاپ ءبىر جاڭادان دۇكەن اشىلعانداي الاقايلاپ... تۋ، شارشاپ كەتتىم!

مۇحتار شەرىم

Facebook-تەگى پاراقشاسىنان