جالپى شوۋ-بيزنەستىڭ اينالاسىندا گەيلەر، ياعني (قاتتى ايتقاندا) پي*ارازدار تولىپ جۇرگەنىن كوپ جىگىتتەردەن ەستيمىن. بىراق ءوز باسىم وندايلارعا قىزىقپايتىن بولعاندىقتان ىزدەرىنە شام ءتۇسىپ، زەرتتەپ كورمەدىم. بۇدان كەيىن دە لايىم سولاي بولسىن. ءدال سول سياقتى سەكتانتتار دا تولىپ ءجۇر، ونى زەرتتەپ كوردىم، دالەلدەر جەتەدى، سوندىقتان كىمدەر ەكەنىن شامامەن 80-90% بولجاپ ايتىپ بەرە الامىن. ءبىزدىڭ قوعام وسى ەكى توپ وكىلدەرىن سىرتىنان كىمدەر ەكەنىن بىلەدى، بىراق ەكەۋىنىڭ دە بەتىنە ايتا المايدى. ايتقاننىڭ وزىندە ولارعا توسقاۋىل قوياتىن ەكىنىڭ بىرىندە قۇقىق جوق، بۇل ەكى توپپەن ارنايى ۇيىمدار اينالىسۋ كەرەك.

جاقىندا Ninety One دەگەن توپ شىقتى دا، وتە ساپالى ءان ايتىپ، قازاق ەستراداسىن جاڭا ءبىر دەڭگەيگە كوتەردى. ءبىزدىڭ تويشىل قاۋىمنىڭ ءسۇيىپ تىڭدايتىن قايرات نۇرتاس، تورەعالي تورەالى، چيپ-چيپ ماگدالەنا سياقتى انشىلەرىنەن باسقاشا جانردا ساپالى ولەڭ ۇسىندى. بۇل جىگىتتەردىڭ ەرەكشەلىگى ءبىزدىڭ جاستاردىڭ كوپ ەلىكتەيتىن ءوزىمىزدىڭ ازياتتاردىڭ، ياعني كارىستەردىڭ K-Pop جانرىن قازاقشاعا ينتەرپرەتاتسيالاپ، Q-Pop (Qazaq Pop) دەگەن جاڭا دۇنيە شىعاردى. وسىنىڭ ارقاسىندا قازاق ءتىلى الەمدىك دەڭگەيگە شىقتى. بۇكىل الەمدە وسى Ninety One-دى قولدايتىن Eagles ("قىراندار") اتتى فاناتتار پايدا بولا باستادى. قانشاما انشىلەرىمىز الەمدىك دەڭگەيگە شىعارا الماعان قازاق ءتىلىن 4-5 جىگىت Q-Pop اتتى جاڭا جانرمەن كوتەرىپ تاستادى. يۋتۋبتا كوپتەگەن شەت ەلدىكتەر Ninety One-نىڭ اندەرىن ايتىپ، قازاقستانعا سالەم جولداعان. وسىنداي ساپالى ءونىم شىعارعان ەربولات بەدەلحان باۋىرىمىزعا ريزاشىلىعىمدى بىلدىرەمىن.

ءوز باسىم كەيىنگى كەزدە عالىمجان مولدانازار مەن Ninety One-نىڭ عانا اندەرىن تىڭدايمىن. اندەرىن تىڭداعاندا انشىلەردىڭ ءۇستى-باسىنا، قانداي كيىم كيىپ، قانداي ارەكەت جاساعانىنا قارامايمىن. سەبەبى ماعان دىم قىزىق ەمەس ولاردىڭ قالاي وزدەرىن كورسەتەتىنى. ماعان تەك ولاردىڭ اندەرى عانا قىزىق. بۇرىن دا ايتتىم، تاعى دا ايتامىن، پروفەسسيونال مەن ونىڭ پرودۋكتىسىنە كوزقاراس ەكى ءتۇرلى بولۋ كەرەك. مىسالى، Apple-دىڭ ديرەكتورى تيم كۋك گەي ەكەن دەپ، Iphone ۇستاماي قويۋ نەمەسە يۆ سون لورەن پي*اراز ەكەن دەپ ونىڭ ونىمدەرىن پايدالانباي قويۋ - توپاستىق. الەمدەگى كەز كەلگەن ادامنىڭ جەكە باسىنا تابىنعاندى قويىپ، شىعارىپ جاتقان ونىمدەرىنە وبەكتيۆتى قاراۋدى ۇيرەنۋىمىز كەرەك.

91 توبىنىڭ جىگىتتەرىنىڭ ءىس-قيمىلدارى مەن كيىنگەنىنەن ەشقانداي ءبىر قوعامعا قايشى بىردەڭە كورىپ تۇرعانىم جوق. قازىرگى اعا بۋىن وكىلدەرى دە 70-80 جىلدارى شاشتارىن بوياپ، ءوسىرىپ جۇرگەنىن ۇيدەگى البومداردان كورگەنبىز. جالپى ومىرىمدە گەيدى تىرىلەي كورمەگەن سوڭ، ولاردىڭ قانداي بولاتىنىن بىلمەيمىن، بىلگىم دە كەلمەيدى. ەگەر 91 جىگىتتەرى شىنىمەن گەي بولسا، ولاردى جارنامالاي بەرگەننەن، ياعني جامانداي بەرگەننەن بىردەڭە شىقپايدى، كەرىسىنشە ولاردىڭ قوعامدا كوبەيۋىنە الىپ كەلەدى. تاعى ءبىر ايتاتىنىم، ءوزىمىزدىڭ جاستار كارىستىڭ وسىنداي جىگىتتەرىنە ەمەس، ءوزىمىزدىڭ قازاقتارعا فانات بولعانىنا قۋانامىن. بۇل جىگىتتەر ەشكىمنەن ۇرلاماي، تويعا شىقپاي ساپالى ءان ايتىپ جۇرگەنىنە ريزامىن. ال ولاردىڭ ىزدەرىنە شام ۇستاپ ءجۇرىپ، گەي ەكەنىنە كوز جەتكىزسەڭىزدەر، ولاردى قۋدالاۋدىڭ ساۋاتتىراق جولىن ويلاستىرۋ كەرەك. ايتپەسە، قازىرگى كەزدە زاڭعا قايشى، بۇكىل ۇلتتى قۇرتىپ جىبەرەتىندەي بىردەڭە ىستەپ جاتقانىنا كۇمانىم بار.

ءدال وسى 91 توبىمەن كۇرەسكەندەي ۋاحابيستەرمەن كۇرەسەيىك. سولاردى قۋايىق ەسترادا الەمىنەن، قازاققا قاۋىپ كوبىرەك سولاردان. قىزدارعا ايتارىم، انشىلەردىڭ اندەرىن تىڭداڭدار، بىراق وزدەرىنە قىزىعۋدىڭ قاجەتى جوق. ءان باسقا، ءانشى باسقا، ەكەۋى ەكى الەم. ال جىگىتتەرگە ايتارىم، ولاردىڭ تاندەرىندە نەلەرىڭ بار، ەركەكتىڭ ەركەككە قىزىعۋى جاقسىلىققا الىپ كەلمەيدى. ولاي ازعىندالماڭدار! 91 توبى دەگەن جۇرتتىڭ نازارىن اۋدارۋ ءۇشىن جاسالعان بولۋى دا مۇمكىن، بۇدان دا ءىرى مەملەكەتتىك ماسەلەلەردى نازاردان تىس قالدىرمايىق! جالپى كەز كەلگەن دۇنيەگە توبىرلىق پسيحولوگيامەن ەمەس، تازا لوگيكامەن جانە "ترەزۆىي" اقىلمەن قارايىق!

نۇرلان جاناي

Facebook-تەگى پاراقشاسىنان