تۇركىمەنستان تاۋەلسىزدىك مەرەكەسىن اتاپ وتۋگە دايىندالىپ جاتىر
تۇركىمەنستان بيلىگى جابىق كەڭىستىكتە جەكپە-جەك ونەرى بويىنشا V ازيا ويىندارى اياقتالا سالىسىمەن، تاۋەلسىزدىك كۇنىن اتاپ وتۋگە دايىندالىپ كەتتى. قازىرگى ۋاقىتتا جاپپاي مەرەكەلىك شارالار وتكىزۋ ءۇشىن دايىندىق جۇمىستارىن جاساپ جاتىر.
27 قازاندا تۇركىمەنستان تاۋەلسىزدىكتىڭ 26 جىلدىعىن اتاپ وتەدى. وسىعان وراي مەكتەپ مۇعالىمدەرى ۇيىمداستىرۋ شارالارىن جۇرگىزۋ ءۇشىن قازان ايىنىڭ ەكىنشى جارتىسىنان باستاپ ساباقتان تولىق بوساتىلادى ەكەن. بۇل جونىندە ازاتتىقتىڭ تۇركىمەن قىزمەتىنە مەكتەپ مۇعالىمىنىڭ ءبىرى حابارلاپ ايتتى.
تۇركىمەنستان استاناسىنىڭ ورتالىق الاڭىندا وتەتىن ۇلكەن شاراعا قاتىسۋشىلارعا دا ارنايى ءبىرتۇستى كيىم كيىپ بارۋدى تاپسىرعان.
جەرگىلىكتى باق-تىڭ جازۋىنشا، مەملەكەت باسشىسى تاۋەلسىزدىك مەرەكەسىن جوعارى دەڭگەيدە اتاپ ءوتۋدى تاپسىرعان.
Abai.kz
