بوقاۋوۆ مەملەكەتتىك ءتىلدى قورعاماعانى ءۇشىن تاريحتا قالعىسى كەلمەيدى
![](http://abai.kz/content/uploads/2017/10/lviYr4mA.jpg)
پاۆلودار وبلىسىنىڭ اكىمى بولات باقاۋوۆ Abai.kz اقپاراتتىق پورتالىنىڭ سىنىنا جاۋاپ بەردى، - دەپ حابارلايدى اباي-اقپارات.
استانادا ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا تىلشىلەر وبلىس اكىمىنەن وڭىردەگى مەملەكەتتىك ءتىل احۋالىن سۇرادى.
«وڭىردەگى ءتىل احۋالى قانداي؟ وبلىستاعى ءتىل جاناشىرلارى مەن قوعام بەلسەندىلەرى وسى ماسەلەنى ءجيى كوتەرىپ ءجۇر. ءتىپتى «وبلىس باسشىلىعى مەملەكەتتىك ءتىلدى قورعاماعانى ءۇشىن تاريحتا قالادى» دەگەن سىن ايتىلدى. وسىعان ءسىز نە دەيسىز؟»، — دەپ سۇرادى Sputnik قازاقستان ءتىلشىسى.
«ءتىل ماسەلەسى — وتە كۇردەلى ماسەلە. ءسىز بىلەسىز، پاۆلودار وبلىسىندا وزگە ۇلت وكىلدەرى حالىقتىڭ ەلۋ پايىزىن قۇرايدى. ءبىز بىرتىندەپ وسى ماسەلەنى شەشىپ جاتىرمىز. وتكەن جىلى مەن ەسەپ بەرگەندە، بالاباقشالاردى كىلەڭ قازاقشا جاسايىق دەگەن ۇسىنىس ەنگىزگەنمىن. ول جۇمىسپەن ءبىز اينالىسىپ ءجۇرمىز. جالپى، جۇمىستى قاتاڭ باقىلاۋعا الامىز»، — دەپ قىسقا قايىردى وبلىس باسشىسى.
ءبىز بۇل ءبىر اۋىز جاۋاپتان بوقاۋوۆتىڭ "مەملەكەتتىك ءتىلدى قورعاماعانى ءۇشىن تاريحتا قالعىسى كەلمەيتىنىن" بايقادىق. بالاباقشالاردىڭ ءبارىن قازاقشا ەتۋ يدەياسى سونىڭ ايعاعى.
اكىم ايتقانىندا تۇرا الا ما؟
ەندىگى ايتىلار اڭگىمە وسى بولسا كەرەك...
ءشارىپحان قايسار
Abai.kz