قۇجاتتىڭ ءبىرى رەسەيدى "اگرەسسور-مەملەكەت" دەپ زاڭدى تۇردە بەكىتۋدى كوزدەسە، ەكىنشىسى دونەتسك جانە لۋگانسك وبلىستارىن "باسىپ الىنعان ايماق" رەتىندە قارايدى.

جوعارعى راداعا ەكى قۇجاتتى ۇسىنعان ۇلتتىق قاۋىپسىزدىك كەڭەسىنىڭ حاتشىسى الەكساندر تۋرچينوۆ زاڭ جوباسى مويىندالماعان لۋگانسك جانە دونەتسك "حالىقتىق رەسپۋبليكالارىن" "رەسەيدىڭ باسىپ الىنعان اكىمشىلىگى" رەتىندە قاراۋعا مۇمكىندىك بەرەدى دەدى. قۇجاتتىڭ قابىلدانۋىنا قارسى پارلامەنت ۆيتسە-سپيكەرى وكسانا سىرويد زاڭ جوباسىندا وككۋپاتسيانىڭ ناقتى كۇنى كورسەتىلمەگەندىكتەن ۋكراينا رەسەيدى حالىقارالىق سوتقا بەرە المايدى دەدى.

پارلامەنتتە زاڭ جوباسى تالقىلانىپ جاتقان كەزدە، "وزىڭە كومەك" فراكتسياسىنىڭ وكىلدەرى پرەزيديۋم مەن پارلامەنتتىك مىنبەردى جاۋىپ تاستادى. ولار مەملەكەت باسشىسىنىڭ باستاماسىن "ۋكراينانىڭ كاپيتۋلياتسيسى" دەپ اتادى. قۇجاتتىڭ قابىلدانۋىنا قارسىلار بۇل ۋكراينانىڭ مۇددەسىنە ساي كەلمەيدى دەپ ەسەپتەيدى.

سول كۇنى "ازاتتىق" جانە "ۇلتتىق كورپۋس" وڭشىل راديكالدى پارتيالاردىڭ وكىلدەرى جوعارعى رادا الدىندا نارازىلىق اكتسياسىنا شىقتى.

دونباستى قالپىنا كەلتىرۋ جونىندەگى زاڭ جوباسىن ازىرلەۋشىلەر قۇجاتتىڭ 18 قازانعا دەيىن قابىلدانۋىنا مۇددەلى.

Abai.kz