اعىمداعى جىلدىڭ  11 قىركۇيەك كۇنى باتىس قازاقستان وبلىسى قازاقستان حالقى اسسامبلەياسى دوستىق ۇيىندە قوعامدىق كەلىسىم كەڭەسىنىڭ وتىرىسى ءوتتى. اتالمىش جيىنعا وبلىستىق جانە اۋداندىق قوعامدىق كەلىسىم كەڭەستەرىنىڭ توراعالارى مەن مۇشەلەرى، بقو قحا اقساقالدار مەن انالار كەڭەسىنىڭ مۇشەلەرى،  ەتنومادەني بىرلەستىكتەردىڭ وكىلدەرى، وبلىستىق باسقارما باسشىلارى مەن ورال قالاسى اكىمىنىڭ جانە اۋدان اكىمدەرىنىڭ ورىنباسارلارى، باق وكىلدەرى قاتىستى.

كۇن تارتىبىندە قوعامعا بايلانىستى بىرقاتار ماسەلەلەر قوزعالىپ، باياندامالار وقىلدى. ماسەلەن، ءدىني ەكسترەميزمگە قارسى ءىس-ارەكەت ەتۋ جانە  ءدىني احۋالدى قوعامدىق باقىلاۋداعى قوعامدىق كەلىسىم كەڭەستەرىنىڭ ءرولى تۋرالى باتىس قازاقستان وبلىسى ءدىن ىستەرى باسقارماسىنىڭ باسشىسى سايالبەك عيززاتوۆ ءسوز سويلەدى. ءوز بايانداماسىندا باسقارما باسشىسى وبلىسىمىزداعى ءدىن ماسەلەسىنىڭ كورسەتكىشتەرىن، پروبلەمالارىن ايتتى.

سونىمەن قاتار، قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس – قيمىل اگەنتتىگىنىڭ باتىس قازاقستان وبلىسى بويىنشا دەپارتامەنتى باسشىسىنىڭ مىندەتىن اتقارۋشى ا.جۇبانىش سىبايلاس جەمقورلىقتى الدىن الۋ جانە سىبايلاس جەمقورلىققا قارسى تۇرۋ جۇمىستارىنداعى  قوعامدىق كەلىسىم كەڭەستەرىنىڭ ءرولى تۋرالى ءوز بايانداماسىن قورعادى.  ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا قازاق ءتىلىنىڭ لاتىن الىپبيىنە كوشۋى تۋرالى بقو تىلدەردى دامىتۋ باسقارماسى ءبولىمىنىڭ باسشىسى گۋلجاينا كازدۋكقىزى باياندادى. ءوز بايانداماسىندا گۋلجاينا كازدۋكقىزى لاتىن الىپبيىنە كوشۋدىڭ ماڭىزدىلىعى مەن قازاق ءتىلىن جاڭعىرتۋعا جاعداي تۋعىزۋ ەكەنىن ايتتى. كۇن تارتىبىندەگى قاراستىرىلعان تاعى ءبىر ماسەلە، ول  «تۋعان جەر» جوباسىن جۇزەگە اسىرۋ بويىنشا وبلىستا جۇرگىزىلەتىن  ولكەتانۋ جۇمىستارى جانە جوبانى  جۇزەگە  اسىرۋ بويىنشا «ۇزدىك ەلدى مەكەن»، «ۇزدىك اۋلا»، «ۇزدىك كوشە»، «ۇزدىك ءۇي» بايقاۋىنىڭ ەرەجەسىن بەكىتۋ تۋرالى بولدى.

ەكى ساعاتقا سوزىلعان قوعامدىق كەلىسىم كەڭەسىنىڭ كەڭەيتىلگەن وتىرىسى جوعارى دەڭگەيدە ءوتتى. قاتىسۋشىلار تاراپىنان بىرقاتار ۇسىنىستار ايتىلىپ، سۇراقتار مەن پىكىرلەر ايتىلدى. وتىرىس سونىڭدا باتىس قازاقستان وبلىسى قازاقستان حالقى اسسامبلەياسى حاتشىلىعىنىڭ مەڭگەرۋشىسى عايسا قاپاقوۆ قوعامدىق كەلىسىم كەڭەسىنىڭ مۇشەلەرىنە كۋالىتەر تابىستادى.

ەرعالي بەرىكۇلى

Abai.kz