«قوعامدىق كەلىسىم – مەملەكەت دامۋىنىڭ كەپىلى». مىنە، وسىنداي تاقىرىپتا 10 قازاندا جامبىل وبلىستىق كوممۋنيكاتسيالار قىزمەتى الاڭىندا ءباسپاسوز كونفەرەنتسياسى ءوتتى. وندا وڭىرلىك قازاقستان حالقى اسسامبلەياسى توراعاسىنىڭ ورىنباسارى، حاتشىلىق مەڭگەرۋشىسى مارجان قوجاەۆا ءسوز تىزگىنىن الىپ، باق قىزمەتكەرلەرىن مەكەمەنىڭ جىل باسىنان بەرى اتقارعان جۇمىستارىمەن تانىستىردى.

«قوعامدا تۇراقتىلىق پەن كەلىسىمدى ساقتاۋ – الدىمىزعا قويىلعان ورتاق مىندەت ەكەنى بەلگىلى. بۇل باعىتتا وبلىستىق قازاقستان حالقى اسسامبلەياسى جانە 26 ەتنومادەني بىرلەستىكتەر ماقساتتى جۇمىس جۇرگىزىپ كەلەدى. وبلىس اسسامبلەياسىنىڭ قۇرامى 216 ادامنان تۇرادى.

ولاردىڭ بارلىعى قوعامدىق-مادەني شارالارعا، ساياسي ناۋقاندارعا بەلسەنە قاتىسىپ ءجۇر. سونداي-اق، اقپاراتتىق توپتاردىڭ قۇرامىندا يدەولوگيالىق جۇمىسقا تارتىلىپ، مەملەكەتتىك ساياساتتى ناسيحاتتاۋدا»، - دەپ اتاپ ءوتتى حاتشىلىق مەڭگەرۋشىسى.

سونىمەن قاتار، مارجان تورەعۇلقىزى 9 ايدا وبلىس اسسامبلەياسىنىڭ ۇيىتقى بولۋىمەن 70-تەن اسا ءتۇرلى فورماتتاعى ءىس-شارالار وتكىزىلگەنىن جەتكىزدى. اتالعان ءىس-شارالاردىڭ يدەولوگيالىق مازمۇنى «ماڭگىلىك ەل» پاتريوتتىق اكتىسى مەن «بولاشاققا باعدار: رۋحاني جاڭعىرۋ» باعدارلامالىق ماقالانىڭ تۇجىرىمدامالارىنا نەگىزدەلگەن.

ال «قازاقستاننىڭ 100 جاڭا ەسىمى» جوباسىنا كانديداتتاردى ىرىكتەۋ وبلىس اسسامبلەياسىنىڭ تىكەلەي اتسالىسۋىمەن جۇرگىزىلدى. ۇسىنىلعان 253 كانديتاتتاردىڭ قۇجاتتارى جۇمىس توبىمەن قارالىپ، 78 ۇمىتكەردىڭ قۇجاتتارى رەسپۋبليكالىق كوميسسيانىڭ قاراۋىنا جولداندى.

وڭىردەگى الەۋمەتتىك احۋالعا كەلەر بولساق، 3-ءشى توقساندا جۇرگىزىلگەن زەرتتەۋ ناتيجەلەرى نەگىزىندە ايماقتاعى ەتنوسارالىق قارىم-قاتىناس جانە قوعامداعى احۋال قالىپتى جاعدايدا دەپ باعالانادى.

ءتۇرلى شيەلەنىسكەن داۋلار مەن قاقتىعىستاردى سوتقا دەيىن رەتتەۋ دە اسسامبلەيا مىندەتتەرىنىڭ ءبىرى ەكەنى ءمالىم. وسىعان وراي، وبلىس كولەمىندە 13 مەدياتسيا كابينەتتەرى اشىلىپ، وندا 63 مەدياتور قوعامدىق نەگىزدە جۇمىس اتقارادى.  2016 جىلدان بەرى مەدياتسيا كابينەتتەرىنە شيەلەنىستى جانە داۋلى ماسەلەلەرمەن 570 ازامات جۇگىنگەن. ولاردىڭ 481 جەرگىلىكتى مەدياتورلاردىڭ ارالاسۋىمەن وڭتايلى شەشىمدەرىن تاپتى.

قايىرىمدىلىق سالاسى دا نازاردان تىس قالعان ەمەس. توقسان سايىن «قايىرىمدىلىق كەرۋەنى» اكتسياسى ۇيىمداستىرىلۋدا. جىل باسىنان بەرى اسسامبلەيانىڭ ۇيىتقى بولۋىمەن 2000 استام وتباسىنا جانە 6800 بالاعا 62 ميلليون تەڭگە كولەمىندە قايىرىمدىلىق كومەك بەرىلدى.

Abai.kz