«ماڭعىستاۋ وبلىسىنىڭ تۋريزم باسقارماسى» مەملەكەتتىك مەكەمەسى قحا جانىنداعى «ەتنو تۋر» كومپانياسى جانە «حالىق كەلىسىمى» قوعامدىق بىرلەستىگىمەن بىرلەسىپ، ماڭعىستاۋ وبلىسىنداعى ءبىرىنشى قازاقستاندىق تۋريستىك سلەتتىڭ 50 جىلدىعىنا ارنالعان وبلىستىق تۋريستىك سلەت وتكىزدى، دەپ حابارلايدى «Abai.kz» اقپاراتتىق پورتالى.

قاراقيا ويپاتىنىڭ كوز ارباعان تاڭعاجايىپ شاتقالىندا وتكەن ءىس-شارانىڭ ماقساتى – حالىق اراسىندا سالاۋاتتى ءومىر سالتىن ناسيحاتتاۋ، وبلىس تۇرعىندارى اراسىندا ەكولوگيالىق مادەنيەتتى دامىتۋ، ءتۇرلى ەتنوس وكىلدەرىنىڭ نازارىن ىشكى تۋريزمگە اۋدارۋ.

وبلىستىق تۋريستىك سلەتكە ەتنومادەني بىرلەستىكتەر وكىلدەرى، جاستار بەلسەنە قاتىسىپ، تۋريستىك داعدىلاردى مەڭگەردى.

سونداي-اق، ءىس-شارا بارىسىندا تۋريستىك «ەتنو-اس ءۇي» بايقاۋى جانە  ەتنومادەني بىرلەستىكتەردىڭ شىعارماشىلىق توپتارىنىڭ ەتنوفەستيۆالى ءوتتى.

تۋريستىك سلەت قورىتىندىسى بويىنشا، جەڭىمپازدار مەن جۇلدەگەرلەر باعالى سىيلىقتارمەن ماراپاتتالدى.

Abai.kz