اتالاردان امانات بولىپ جەتكەن ۇلى دالا ەلى – قازاقستان رەسپۋبليكاسىنىڭ اسكەرى اتانىپ، ءوزىنىڭ وتان الدىنداعى بورىشىن ابىرويمەن وتەۋ بۇگىنگى تاڭدا ءاربىر جاس ازاماتتىڭ ارمانى دەسەك قاتەلەسپەيمىز.سوڭعى جىلدارى جاستاردىڭ اسكەري  مىندەتىن اتقارۋعا دەگەن قۇلشىنىسى ارتىپ كەلەدى.مۇنىڭ ءوزى كۇن سايىن زامان تالابىنا ساي جان-جاقتى وركەندەپ، كاسىبي دەڭگەيى بيىكتەن كورىنىپ جاتقان  قازاقستان قارۋلى كۇشتەرىنىڭ ابىرويى دەسەك قاتەلەسپەيمىز...

الماتى وبلىسى، ۇيعىر اۋدانىنىڭ قورعانىس  ىستەرى جونىندەگى باسقارما باستىعى كاپيتان سۇلتانمۇرات سۇلتانۇلى گاپپاروۆقا حابارلاسىپ، جاستاردى كۇزگى اسكەرگە شاقىرۋ شارالارى تۋرالى قىسقاشا ايتىپ بەرۋىن وتىنگەن بولاتىنبىز.

-بيىلعى كۇزگى اسكەرگە شاقىرۋ ماۋسىمى بارىسىندا دا قازاقستان رەسپۋبليكاسى قارۋلى كۇشتەرىنىڭ ۇلتتىق قاۋىپسىزدىك كوميتەتىنىڭ شەكارا قىزمەتىنىڭ، ۇلتتىق ۇلاننىڭ، مەملەكەتتىك قاۋىپسىزدىك كوميتەتىنىڭ اسكەري بولىمدەرى جاساقتالادى.اسكەرگە شاقىرۋ اۋدانىمىزدا جىلىنا ەكى رەت، كوكتەمدە جانە كۇزدە جۇزەگە اسىرىلادى.ۇيعىر اۋدانى بويىنشا 200-گە جۋىق جاس ورەندەر مىندەتتى اسكەري شاقىرىلادى. ماسەلەن، 18-ءشى قازان كۇنى 20 جاس ساربازدى مەرزىمدى اسكەري قىزمەتكە شىعارىپ سالدىق.

-اسكەرگە شاقىرىلۋشى ازاماتتارعا قانداي باستى تالاپتار قويىلادى؟

-ءبىرىنشى كەزەكتە مىناداي تالاپتارعا سايكەس ازاماتتاردى: جوعارى ءبىلىمدى،وندىرىستىك بىلىكتىلىگى بار ماماندىق ءتۇرى،  وتباسىلىق جاعدايى، دەنە جانە اسكەري دايىندىعى، دەنساۋلىعى، مورالدىق-ىسكەرلىك قابىلەتتەرى بار ازاماتتاردى مەرزىمدى اسكەري قىزمەتكە شاقىرامىز.سونداي-اق، قارۋلى كۇشتەردىڭ تۇرلەرىنە    سايكەس، بولىمشەلەرگە ءبولۋ شاقىرىلۋشىنىڭ قابىلەتىن ەسكەرە وتىرىپ جۇزەگە اسىرىلادى.جاستاردىڭ وتان الدىنداعى ازاماتتىق بورىشىن اتقارۋعا دەگەن قۇلشىنىستارى قاتتى قۋانتادى.

ءسوزىمىز قۇرعاق بولماۋى ءۇشىن اسكەرگە شاقىرىلۋشىلاردىڭ ءبىرىن سوزگە   تارتتىق.

-ارينە، مەن ءۇشىن قازاقستان قارۋلى كۇشتەرىنىڭ ساپىندا اسكەري قىزمەت اتقارۋ، سارباز بولۋ ۇلكەن ماقتانىش.تۋعان ەلىمىزدىڭ تىنىشتىعىن قورعاۋ بىزدەرگە مىندەت، اتا-انامىز ءۇشىن زور قۋانىش!- دەپ اعىنان جارىلدى جاس سارباز.

ءبىز جالىنداعان جاستاردىڭ وتانسۇيگىشتىك رۋحتا ءوسىپ كەلە جاتقانىنا ءتانتى بولدىق.

جاڭابەك تويبازاروۆ

Abai.kz