بەلگىلى مەملەكەت جانە قوعام قايراتكەرى، تانىمال ساياساتكەر بالتاش  تۇرسىمباەۆ  پەن اقىن، Abai.kz اقپاراتتىق پورتالىنىڭ تۇراقتى اۆتورلارىنىڭ ءبىرى جۇماش كەنەباي ءوزارا شاعىن ءماسليحات قۇرىپ، قىرعىزستاندا وتكەن پرەزيدەنتتىك سايلاۋ قارساڭىنداعى ساياسي ناۋقان تۋرالى پىكىر ءبولىسىپتى. ەكەۋارا سۇحبات بارىسىندا بالتاش تۇرسىمباەۆ قىرعىز سايلاۋىنا قازاقستاندىق وليگارح بولات وتەمۇراتوۆ ارالاستى دەپ ءوز پىكىرىن اشىق ايتتى.

جۇماش كەنەباي: - بالتاش اعا، بىرنەشە كۇننەن بەرى جۇرت نازارىن وزىنە ەرەكشە اۋدارعان جايت قازاق پەن قىرعىز اراسىنداعى كەلەڭسىزدەۋ اڭگىمە بولسا كەرەك. قىرعىزستانداعى پرەزيدەنتتىك سايلاۋعا تىكەلەي ارالاسقان قازاقستاندىق وليگارح، ميللياردەر بولات وتەمۇراتوۆ دەگەن ءسوز بار. ونىڭ ۇستىنە الەمدىك اقپارات قۇرالدارى دا تۋرا وسىلاي دەپ جارىسا جازىپ جاتىر. ءسىز وسى تۋراسىندا نە ايتار ەدىڭىز؟

بالتاش تۇرسىمباەۆ: - ءيا، جۇماش، دۇرىس بايقاعانسىڭ. بۇل اڭگىمەنىڭ باۋىرلاس قىرعىز ەلىندە پرەزيدەنتتىك سايلاۋعا تاياپ قالعان كۇندەرى شىعۋى  تەگىن ەمەس.

قىرعىز بەن قازاق ەجەلدەن الاتاۋدىڭ باۋرايىندا توسكەيدە – مالى، توسەكتە – باسى قوسىلعان، قىز الىپ، قىز بەرىسكەن جانە دە تىلدەرى دە ۇقساس باۋىرلاس حالىق ەدىك.

مىنا بىزدەگى شەكتەن شىققان، ۇرلاپ-جىرلاپ جىيعان بايلىعىن قايدا شاشارىن بىلمەي جۇرگەن بايلار ەسىرە باستاعان سياقتى. سول ەسىرىكتەردىڭ ءبىرى – ميللياردەر وتەمۇراتوۆقا ەسەپسىز بايلىق قاي اتاسىنان مۇراعا قالىپتى؟ سونشالىقتى اياق استىنان بايىپ شىعا كەلەتىندەي وتەمۇراتوۆ نە ىستەپتى ءوزى؟ انا ميللياردتاعان دوللارلاردى ول قايدان العان؟ ءيا، بۇل بولەك اڭگىمە...

مىنە، سول شىرىگەن باي وتەمۇراتوۆ قىرعىزستاننىڭ ناعىز دەموكراتيالىق جولمەن وتپەك بولىپ وتىرعان پرەزيدەنتتىك سايلاۋىنا اشىقتان اشىق ارالاسىپ، كورشىلەس تاۋەلسىز مەملەكەتكە ءوز ىقپالىن جۇرگىزبەك بولىپ، پرەزيدەنتتىككە كانديداتتىققا ءوز ادامىن ۇسىنىپ، پارا بەرىپ دەگەندەي، سۇمدىق ارەكەتتەرگە بارعان. وتەمۇراتوۆتىڭ ول قۇيتىرقى ساياساتى اشكەرە بولىپ، ماسقارا بولدىق! ەڭ جامانى – وتەمۇراتوۆ قىرعىز بەن قازاقتىڭ، دالىرەك ايتقاندا ءوز الدارىنا تاۋەلسىز مەملەكەتتەر: قازاقستان مەن قىرعىزستاننىڭ اراسىنا وت تاستاي جازدادى.

وتەمۇراتوۆتىڭ بۇل جۇگەنسىزدىگىن اشىق ايىپتاپ، ونى شولجاڭداتىپ قويماي، قاتاڭ جازالاۋ كەرەك سياقتى! ول قاتاڭ جازالانسا، بولاشاقتا ونداي سوراقىلىقتار قايتالانباۋى مۇمكىن.

سۇحباتتاسقان جۇماش كەنەباي

Abai.kz