ء"بىز بۇل كومەكتەن باس تارتامىز دەپ شەشتىك. باسقا سوزبەن ايتقاندا، ەندى ءبىز كومەككە ءزارۋ ەمەسپىز. ءبىز قارجى كوزىن بيۋدجەتتەن نەمەسە قازىنادان تىس جەرلەردەن ىزدەستىرەمىز. قازىرگى تاڭدا ەۋرازيالىق ەكونوميكالىق قاۋىمداستىعىنىڭ تالاپتارىنا ساي 14 زەرتحانا قۇرىلىسى اياقتالىپ قالدى. ونى ءوزىمىز قارجىلاندىرامىز. جىل اياعىنا دەيىن ولاردىڭ كوبىسىنىڭ قۇرىلىسى اياقتالادى", - دەدى ول.

حابارلارلارعا قاراعاندا، قازاقستانمەن كەلىسىمدى بۇزۋ تۋرالى زاڭ جوباسىن پارلامەنتكە ەكونوميكا ءمينيسترى ارتەم نوۆيكوۆ تانىستىرادى. قۇجات كەزەكتەن تىس قارالادى.

قازاقستاننىڭ قىرعىزستانعا 100 ملن دوللار ءبولۋى تۋرالى كەلىسىم وتكەن جىلدىڭ اياعىندا سانكت-پەتەربۋرگتە ەۋرازيالىق ەكونوميكالىق جوعارعى كەڭەستىڭ وتىرىسىندا قابىلعانعان.

قاراجاتتىڭ العاشقى بولىگى - 41 ملن دوللار كەدەن، كولىك ينفراقۇرىلىمى، اقپاراتتىق ارىپتەستىك، ءورت قاۋىپسىزدىگى، دەنساۋلىق ساقتاۋ، سانيتارلىق ەپيدەميولوگيالىق باقىلاۋ، فيتوتازالىق جانە ۆەتەرينارلىق شارالارعا ارنالعان.

قازاقستاننىڭ سىرتقى ىستەر مينيسترلىگى قىرعىزداردىڭ كومەكتەن باس تارتاتىنى تۋرالى رەسمي مالىمەت تۇسپەگەنىن حابارلاعان.

Abai.kz