جۇما, 4 ءساۋىر 2025
4496 1 پىكىر 24 قازان, 2017 ساعات 08:31

تۇركيا "يم" ءۇشىن سوعىسقان رەسەيلىك جاۋىنگەردى تاجىكستانعا بەردى

تۇركيادا ۇستالان رەسەي ازاماتى دەنيس حيساموۆ تاجىكستانعا جولداندى. 34 جاستاعى حيساموۆتى ءساۋىر ايىندا "يسلام مەملەكەتى" ەكترەميستىك ۇيىمى ساپىندا اسكەري قيمىلدارعا قاتىستى دەگەن كۇدىكپەن ۇستاعان.

تۇرىك بيلىگى حيساموۆتى تاجىكستانعا ەكستراديتسيالادى، ويتكەنى ونىڭ جالعان تاجىك تولقۇجاتى بولعان، سول ارقىلى ول 2015 جىلى سيرياعا كەتكەن. تاجىكستان ىشكى ىستەر مينيسترلىگى ونى جاقىندا رەسەيگە جولداۋدى جوسپارلاپ وتىر.

تاجىك ارنايى قىزمەتىنىڭ نۇسقاسىنا قاراعاندا، حيساموۆ سيريادان تۇركياعا كەلگەن، سول ارقىلى ول رەسەيگە ءوتىپ، سول جەردە قىلمىس جاساۋدى كوزدەگەن. ناقتى قانداي قىلمىس ەكەنىن ارنايى قىزمەت اشىپ ايتپادى.

مالىمەتتەرگە قاراعاندا، حيساموۆ كراسنوداردا تۋعان، جوعارعى ءبىلىمى بار، تەحنيكا عىلىمدارىنىڭ كانديداتى. 2004-2009 جىلدارى رەسەيدىڭ قورعانىس مينيسترلىگىندە جۇمىس ىستەگەن. اسكەري مانسابى باستالعان شاقتا ول رەسەي قورعانىس مينيسترىگىنىڭ مەملەكەتتىك قۇپيانى ساقتاۋ قىزمەتىنىڭ باسشىسى بولعان. تەرگەۋ كەزىندە حيساموۆ رەسەيلىك اسكەردەن 2009 جىلى شىعىپ كەتكەنىن ايتتى.

رەسەيلىك بيلىك حيساموۆتىڭ ۇستالۋىنا قاتىستى پىكىر بىلدىرگەن جوق.

Abai.kz

1 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1254
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3836
46 - ءسوز

بىزگە بەيمالىم باراق حان

جامبىل ارتىقباەۆ 2788