اقش-تىڭ كابۋلداعى ەلشىلىگىنىڭ 23 قازانداعى مالىمدەمەسىنە قاراعاندا، تيللەرسون مەن اۋعانستان پرەزيدەنتى اشراف گاني "اقش پەن اۋعانستاننىڭ ەلدە بەيبىتشىلىك پەن تۇراقتىلىق ورناتۋدى كوزدەيتىنىن تاعى دا ماقۇلدادى".

تيللەرسوننىڭ ايتۋىنشا، اقش-تىڭ وڭتۇستىك ازياداعى جاڭا ستراتەگياسى "قۇراما شتاتتاردىڭ اۋعانستان ۇكىمەتىمەن جۇمىس ىستەيتىندىگىن دالەلدەيدى، بۇعان قوسا اۋعانستانداعى بەيبىتشىلىككە كەدەرگى كەلتىرىپ وتىرعان تەررورشىلار ۇياشىقتارىن جويۋعا كومەكتەسەدى".

گاني "اقش-تىڭ جاڭا ستراتەگياسىن قولدايتىنىن ءبىلدىرىپ", ءوز ۇكىمەتىنىڭ رەفورما جۇرگىزگىسى كەلەتىنىن مالىمدەدى.

مەملەكەتتىك حاتشى مەن اۋعانستان پرەزيدەنتىنىڭ كەزدەسۋى كابۋلدىڭ سولتۇستىگىندەگى باگرام اۋەجايىندا ءوتتى. مۇنداي اۋعانستانداعى ەڭ ءىرى امەريكالىق بازا ورنالاسقان.

پرەزيدەنت دونالد ترامپ اكىمشىلىگى جاقىندا تالىپتەرمەن كۇرەس ستراتەگياسىن جاريالادى، وندا اۋعانستانعا قوسىمشا 3000-نان استام اقش جاۋىنگەرى جولداناتىنى ايتىلعان. قازىر مۇندا 11 مىڭ امەريكالىق جاۋىنگەر بار.

تيللەرسون التى كۇندىك ساپارمەن ءجۇر. ول ساۋد ارابياسى مەن كاتارعا باردى، ەندى پاكىستان مەن ۇندىستانعا بارادى.

Abai.kz