دۇنيەنى دۇبىرلەتىپ  ۇلى جيىن ءوتتى. استاتوك قازەكەڭ ورەسى بيىك وركەنيەتتىڭ ساقىلداعان ستاندارتىنا ساي ەتىپ سامميت قوناقتارىن «دوستوينو» قارسى الدى.  «كادەنىڭ»  تالايىن كورگەن كانىگى ارىپتەستەرىمىز دە قازاقتىڭ قوناق كۇتىسىنە تامسانىپ تاراستى...

اتىمتاي جومارتتىعىمىز بەن بىتىمگەرشىلىك ميسسيامىزدى تورتكۇل دۇنيەگە پاش ەتكەن وسى سامميتتە «ورىستان دوسىڭ بولسا، ايبالتاڭ قاسىندا بولسىن» دەگەن ناقىل ءسوز ەرىكسىز ەسىمە ءتۇستى. ماقسات-مۇراتىمىز ءبىر، ستراتەگيالىك ارىپتەسپىز دەپ ايعايلاپ جۇرگەن رەسەيلىكتەردىڭ  كورسەتكەن وسى جولعى  «ءدۇدامال قىلىعى» قىتىعىمىزعا ءتيىپ قانا قويماي، «جاۋ جوق دەمە جار استىندانىڭ» استارىن بارلاپ، ابايلايتىن ۋاقىت جەتكەنىن ەسكەرتكەندەي بولدى. ناعىز دوستىق ۋاقىتپەن شىڭدالىپ، جەڭىلىستە ەمەس، جەڭىستە سىنعا تۇسەدى. سول سىننان كورشىلەرىمىز  وڭباي ءسۇرىنىپ، ارام پيعىلدارىن بايقاماي سەزدىرتىپ الدى.

دۇنيەنى دۇبىرلەتىپ  ۇلى جيىن ءوتتى. استاتوك قازەكەڭ ورەسى بيىك وركەنيەتتىڭ ساقىلداعان ستاندارتىنا ساي ەتىپ سامميت قوناقتارىن «دوستوينو» قارسى الدى.  «كادەنىڭ»  تالايىن كورگەن كانىگى ارىپتەستەرىمىز دە قازاقتىڭ قوناق كۇتىسىنە تامسانىپ تاراستى...

اتىمتاي جومارتتىعىمىز بەن بىتىمگەرشىلىك ميسسيامىزدى تورتكۇل دۇنيەگە پاش ەتكەن وسى سامميتتە «ورىستان دوسىڭ بولسا، ايبالتاڭ قاسىندا بولسىن» دەگەن ناقىل ءسوز ەرىكسىز ەسىمە ءتۇستى. ماقسات-مۇراتىمىز ءبىر، ستراتەگيالىك ارىپتەسپىز دەپ ايعايلاپ جۇرگەن رەسەيلىكتەردىڭ  كورسەتكەن وسى جولعى  «ءدۇدامال قىلىعى» قىتىعىمىزعا ءتيىپ قانا قويماي، «جاۋ جوق دەمە جار استىندانىڭ» استارىن بارلاپ، ابايلايتىن ۋاقىت جەتكەنىن ەسكەرتكەندەي بولدى. ناعىز دوستىق ۋاقىتپەن شىڭدالىپ، جەڭىلىستە ەمەس، جەڭىستە سىنعا تۇسەدى. سول سىننان كورشىلەرىمىز  وڭباي ءسۇرىنىپ، ارام پيعىلدارىن بايقاماي سەزدىرتىپ الدى.

رەسەي باسشىسى دميتري مەدۆەدەۆ پەن سىرتقى ىستەر ءمينيسترى سەرگەي لاۆروۆ سامميت وتىرىسىندا بىرەر ساعات كانا بولىپ كەتىپ قالدى. «Gzt.ru»:«سامميت جۇمىسىنا قارنى اشقان دميتري مەدۆەدەۆ، ونىڭ قورىتىندىسى ءتيىمسىز بولاتىنىن بىردەن بايقاپ، سول كۇنى-اق قايتىپ كەتتى», - دەيدى. سوندا مەدۆەدەۆ مىرزا سامميت باستالماي جاتىپ، قورىتىندى قۇجاتتى كۇتپەي، ونىڭ جۇمىسى ءتيىمسىز بولاتىنىن قايدان ءبىلدى ەكەن؟ الدە ءتيىمسىز بولعانىن ىشتەي قالادى ما؟  ال، لاۆروۆ مىرزا گرۋزين تەلەارنالارىنىڭ تىلشىلەرىنە: «ەشقانداي دەكلاراتسيا قابىلدانبايدى» دەپ كەسىپ ايتتى. سونداعى سۇستى كەسكىنىن كورسەڭىز!

سامميت بىتپەي جاتىپ، رەسەيلىك بۇقارالىق اقپارات قۇرالدارى «نە پرورىۆ، ا پروۆال»، «ميروتۆورچەسكي پروۆال» دەپ جارىسا جازىستى. ماسەلەن، «يزۆەستيا» گازەتى «استانا ءسامميتى ءۇمىتتى اقتامادى» دەپ جازسا، «موسكوۆسكي كومسومولەتس» «قازاقستان ءبىر جىلدا ەقىۇ-نا توراعالىق ەتكەن كەزەڭدە تۇك بىتىرگەن جوق»، - دەگەن ۋاجگە كەلدى. «كوممەرسانت» «نازارباەۆتىڭ بىتىمگەرشىلىك ميسسياسىنان تۇك شىقپادى. استانا دەكلاراتسياسى تەك بوس قۇجات كۇيىندە قالدى»، - دەگەن مالىمەت تاراتتى.

دەكلاراتسيا قابىلدانىپ، الەمنىڭ 56 ەلىنەن جينالعان  وكىلدەر دۋىلداپ-شۋىلداپ قول سوعىپ جاتقاندا،  مىز قاقپاي، ىزديىپ جالعىز ورىستار عانا وتىرىپ الدى. جارىقتىق ورەكەڭدەر دۋ قول شاپالاق سوعۋعا دا جارامادى-اۋ. حيللاري كلينتوننىڭ ءوزى «قازاقستان ءسوز جوق بۇل ايماقتا كوشباسشى ەل. ونىڭ كوشباسشىلىق ءرولى نىعايا تۇسكەنىن اقش قولدايدى جانە وعان الەم مۇددەلى»، - دەپ كەتتى ەمەس پە؟ الدە 19 جىل بۇرىن ۋىسىنان شىعارىپ العان تمد ەلدەرىن ءالى دە «اشسا الاقانىندا، جۇمسا جۇدىرىعىندا» ۇستاعىسى كەلەتىن رەسەي ايماقتاتاعى ءبىر مىقتى «ويىنشىنى» الەم مويىنداي باستاعانىنا قىزعانىشپەن قارايدى ما؟

باتىس ءباسپاسوزى «الەم قازاقستاندى ايگىلى كوميك بوراتتىن ءفيلمى ارقىلى تانىسا، ەندى قازاق ەلى تۋرالى جەر-جاћانعا تاراعان جاڭساق پىكىرگە نۇكتە قويىلدى» دەپ جازدى. ىرگەلەس وتىرعان  ورىستار وسىندايدا قولداۋدىڭ ورنىنا، جاپپاي تىرناق استىنان كىر ىزدەۋگە كوشتى.

قازاكستان - رەسەيدىڭ اقپاراتتىق ەكسپانسياسىنا ۇشىراعان ەل. ولاردىڭ ارام ءحام كورەالماۋشىلىك پيعىلدارى سولاردىن اقپاراتىمەن قارىن تويعىزىپ وتىرعان بىزگە تايعا تاڭبا باسقانداي ايىرىقشا كورىنىپ قالدى.

www.masa.kz سايتى