قىتايدىڭ كوممۋنيستىك پارتياسى پرەزيدەنت سي ءتسزينپيندى پارتيانىڭ نەگىزىن قالاۋشى اكە ماو تسزەدۋن دەڭگەيىنە دەيىن كوتەردى، ونىڭ اتى-ءجونى مەن تەورياسىن پارتيا جارعىسىنىڭ ماتىنىنە ەنگىزدى دەپ جازادى New York Times. بۇل «تاريحي شەشىم» ەلدىڭ بارلىق شەنەۋنىكتەرىنە سي تسزينپين مەن ونىڭ ساياساتىن سىناۋ بۇدان بىلاي يدەولوگياعا قارسى كەلۋ بولىپ ەسەپتەلەتىنىن ەسكەرتەدى. «ەندى ونىڭ تەورياسى مەن ۇراندارى مەكتەپتەردە، باق-تا، مەملەكەتتىك مەكەمەلەردە پايدا بولۋى مۇمكىن», دەپ اتاپ وتەدى باسىلىم.

«مەن ساۋد ارابياعا بىرقالىپتى يسلامدى قايتارامىن», - دەپ مالىمدەدى The Guardian گازەتىنە بەرگەن سۇحباتىندا تاق مۇراگەرى، حانزادا موحاممەد بەن سالمان. ونىڭ سوزدەرىنشە، سوڭعى 30 جىلدا ساۋد ارابيادا يرانداعى يسلام رەۆوليۋتسياسى اسەرىنەن وتە قاتال ىلىمدەر پايدا بولدى. ء“بىزدىڭ ەل G20-عا كىرەدى. بىزدە الەمدەگى ەڭ ءىرى ەكونوميكا بار. ءبىز ءۇش كونتينەنتتىڭ ورتاسىندا ورنالاسقانبىز. سول سەبەپتەن ساۋد ارابيا جاقسى جاعىنان وزگەرسە، ايماق تا، الەم دە وزگەرەدى. ءبىز بارىنەن قولداۋ تابامىز دەپ ۇمىتتەنەمىز», - دەپ مالىمدەدى بەن سالمان. وسىنىڭ الدىندا تاق مۇراگەرى ساۋد ارابيا، يوردانيا جانە ەگيپەت اراسىندا تاۋەلسىز ەكونوميكالىق ايماق قۇرۋ جوباسىن مالىمدەگەن. «ساۋد ارابيا ۇكىمەتى بۇل جوباعا 500 ميلليارد دوللار قۇيۋدى قاراستىرىپ وتىر»، دەپ جازادى The Guardian.

تۇرىكتەردىڭ اتاسى مۇستافا كەمال اتاتۇرىك قايتىس بولعاننان كەيىن 80 جىلدان سوڭ تۇركيادا „بارلىق تۇرىكتەردىڭ اناسى“ پايدا بولۋى مۇمكىن. ۋلتراۇلتشىل ساياساتكەر مەرال اكسەنەردىڭ جاقتاستارى ونى وسىلاي دەپ اتايدى دەپ جازادىFrankfurter Allgemeine Zeitung نەمىس گازەتى. قىزۋقاندى اكسەنەر 25 قازاندا جاڭا پارتيا قۇرۋعا نيەتتى ەكەنىن مالىمدەدى. ونىڭ ماقساتى 2019 جىلى وتەتىن پرەزيدەنت سايلاۋىندا جەڭىسكە جەتۋ.

اقش Hermitage Capital قورىنىڭ باسشىسى جانە "ماگنيتسكي زاڭى"باستاماشىسى ۋيليام براۋدەرگە رەسەي ونى ينتەرپول تىزىمىنە ەنگىزگەننەن كەيىن، امەريكاعا ۆيزاسىز كىرۋگە رۇقسات بەردى دەپ جازادى Washington Post. باسىلىم كرەمل براۋدەردى تۇرمەدە قازا تاپقان زاڭگەر سەرگەي ماگنيتسكيدىڭ قۇرمەتىنە رەسەيلىك بيۋدجەتتەن ۇرلاناتىن قىرۋار قارجىنىڭ سىزباسىن اشىپ كورسەتتى. وتكەن اپتادا كانادا «ماگنيتسكي اكتى» دەپ اتالاتىن جوبانى جاريالادى. وندا رەسەيدە ادام قۇقىقتارىن بۇزىپ كەلگەن شەنەۋنىكتەردىڭ ءتىزىمىن جاريالاعان. “پۋتين مەنى الەمدەگى ءبىرىنشى جاۋى رەتىندە سانايدى، ويتكەنى مەن ونىڭ وسال جەرىن تاپتىم”، - دەيدى باسىلىمعا ۋيليام براۋدەر.

كاتالونيا ۇكىمەتى ءمادريدتىڭ ايماقتا مەرزىمىنەن بۇرىن سايلاۋ وتكىزۋ جوسپارىن قاراپ جاتىر دەپ حابارلايدى El Pais "حالىق بىرلىگى كانديداتۋراسى" (CUP) سولشىل پارتيانىڭ توراعا ورىنباسارى كارلەس رەردىڭ سوزدەرىنە سىلتەمە جاساپ. كوپتەگەن سەپاراتيستىك پارتيانىڭ ليدەرلەرىنىڭ ءبىرى مەرزىمىنەن بۇرىن وتەتىن سايلاۋ - «بۇل كاتالونيا تاۋەلسىزدىگىنە نۇكتە قوياتىن يادرولىق قارۋ” دەپ اتادى. تاريحتا ءبىرىنشى رەت يسپانيا ۇكىمەتى ەلدەگى پروۆينتسيانىڭ ءبىرىنىڭ اۆتونومياسىن شەكتەۋدى شەشتى. ۇكىمەتى كونستيتۋتسياعا سۇيەنىپ، «ايماقتىڭ ءبىرى مەملەكەت الدىنداعى مىندەتتەرىن ورىنداماي وتىر، بۇل يسپانيانىڭ ۇلتتىق مۇددەسىنە قايشى. ۇكىمەت سەناتتىڭ ماقۇلداۋىمەن بۇل جاعدايدى تۇزەۋ ءۇشىن زاڭ اياسىندا كەز كەلگەن شارا قولداۋى مۇمكىن» دەپ جاريالاعان.

Abai.kz