سوڭعى كەزدەرى ەلدە دىنشىلدەر دە، كۇنشىلدەر دە قاپتاپ كەتتى. ارقايسىسى بيلىكتىڭ ەرتەڭگى قام-قارەكەتىمەن جانتالاسۋدا. سولاردىڭ ءبىرى، ءبىرى ەمەس-اۋ بىرەگەيى، ەل تىزگىنىن ۋىسىندا ۇستاۋعا ۇمتىلىپ جۇرگەن پرەزيدەنت اكىمشىلىگىنىڭ قازىرگى جەتەكشىسى اسلان مۋسين.  ءوز پيعىلىن استىرتىن جۇزەگە اسىرىپ جاتقان اسەكەڭ قالىڭ بۇقارانىڭ جۇرەگىنە جەتۋدىڭ رۋحاني جولىن تاڭداپتى. الگى، اتىراۋ جاقتان قىلاڭ بەرگەن قورانيتتەردىڭ «قوراسىنا» قاراكوز باۋىرلارىمىزدىڭ كوپتەپ كىرگىزىلۋ سەبەبى دە وسى بولسا كەرەك.

سوڭعى كەزدەرى ەلدە دىنشىلدەر دە، كۇنشىلدەر دە قاپتاپ كەتتى. ارقايسىسى بيلىكتىڭ ەرتەڭگى قام-قارەكەتىمەن جانتالاسۋدا. سولاردىڭ ءبىرى، ءبىرى ەمەس-اۋ بىرەگەيى، ەل تىزگىنىن ۋىسىندا ۇستاۋعا ۇمتىلىپ جۇرگەن پرەزيدەنت اكىمشىلىگىنىڭ قازىرگى جەتەكشىسى اسلان مۋسين.  ءوز پيعىلىن استىرتىن جۇزەگە اسىرىپ جاتقان اسەكەڭ قالىڭ بۇقارانىڭ جۇرەگىنە جەتۋدىڭ رۋحاني جولىن تاڭداپتى. الگى، اتىراۋ جاقتان قىلاڭ بەرگەن قورانيتتەردىڭ «قوراسىنا» قاراكوز باۋىرلارىمىزدىڭ كوپتەپ كىرگىزىلۋ سەبەبى دە وسى بولسا كەرەك.
ەستەرىڭىزدە مە، باياعىدا مەملەكەت باسشىسىنىڭ ءىنىسى قايرات ساتىبالدى مىرزانىڭ يسلامي پارتيا قۇرامىن دەپ جىنىككەنى. ەندەشە، سول قايرەكەڭنىڭ قىلتاسى قيىلعان يدەياسىن، بۇگىن الەكساندر ماشكەۆيچ سياقتى الپاۋىتقا ارقا سۇيەگەن مۋسيندەر اۋلەتى ءوز كادەسىنە جاراتىپ باعۋدا. سوناۋ سيرياعا بارىپ ءدىني ساۋاتىن اشىپ قايتقان اسلاننىڭ بەل بالاسى اسلبەك ءمۋسيننىڭ قورانيتتەرگە قولداۋ كورسەتىپ، ءداستۇرلى دىنىنەن الشاقتاپ قالعان قازاقتىڭ جاس-كارىسىنىڭ ميىن تەگىس «ۋلاۋى» دا سوندىقتان. قاسيەتتى قۇران كارىمدى قازىرگى زامانعا ساي وزگەرتىپ، كەشىرىلمەس كۇناعا باتقان قورانيتتەردىڭ كوزدەگەنى جەتپىس جىل ورىستىڭ وتارىندا بولىپ يمانىنان ايرىلا باستاعان قازاقى جاماعاتتى اللانىڭ حاق جولىنا ءتۇسىرۋ ەمەس، ارزان ۋاعىزبەن قاتارىنا قوسىپ الىپ، يسلام پارتياسىن قۇرۋ.  ءدىننىڭ اتىن جامىلىپ جىمىسقى ساياسات جۇرگىزگەن شىركىندەردىڭ بۇدان بولەك ويى جوق. ايتپەسە، سول قورانيتتەرىڭىز شىنىمەن دە قۇراننىڭ ەرەجەلەرىن بەرىك ۇستانعان بولسا، جالپاق جۇرتقا قاراپ «مۇسىلمان بالاسى اراق ءىشىپ، ەسىرتكى قولدانۋعا بولادى» دەمەس ەدى. قاسيەتتى قۇراندا كورسەتىلگەن تىيىمداردى جەڭىلدەتۋ ارقىلى كوپشىلىكتىڭ كوڭىلىن اۋدارۋعا تىرىسقان «ءدىندارلار» كۇنى ەرتەڭ اسلاننىڭ شاشباۋىن كوتەرەتىن يسلامي پارتيا قۇرىپ، بيلىكتىڭ جالىنا جابىسا كەتسە قايتپەك كەرەك؟ جابىسقانى بىلاي تۇرسىن، ماشكەۆيچتەردىڭ ايتقانىنان شىعا المايتىن ادام سول پارتيانىڭ كۇشىمەن الدا-جالدا مەملەكەت باسىنا شىعىپ جاتسا، بۇگىنگى كۇنىڭمەن جىلاپ كورىسەتىن زامان سوندا تۋادى. بيلىككە قاتىستى اڭگىمەنىڭ شەتىن التى ايلىق جەردەن الدىن الا ءبىلىپ قوياتىن اقورداداعى ەڭ ۇلىق ادام باۋىرىنا باسقان «شۇبار جىلاننىڭ» كۇن وتە كەلە ۋى كۇشەيگەن ساتتە اياماي شاعارىن قالاي اڭدامايدى؟! اتاكاسىن اتىراۋدان باستاعان اسلاننىڭ اياعىنا دەيىن بارۋعا بەكىنگەنىن كورمەي مە؟ «كۇشىك اسىراپ يت ەتتىم، بالتىرىمدى قاناتتى...» دەپ ەرتەڭ اباي اتامىزعا ۇقساپ وپىق جەپ جۇرمەسەك جارادى.