الماتى. 14 جەلتوقسان. قازتاگ – قازاقستاننىڭ باسىم اۋماعىنداعى اۋا رايىنا سىبىرلىك سۋىق انتيتسيكلون ءوز ىقپالىن ساقتايدى. رەسپۋبليكانىڭ باتىسىندا اتموسفەرالىق اعىمنىڭ وتۋىمەن قار جاۋىپ، تۇمان تۇسەدى، كوكتايعاقتانادى دەپ كۇتىلۋدە، دەپ حابارلايدى «قازگيدرومەت» رمك.

سينوپتيكتەردىڭ حابارلاۋىنشا، سەيسەنبى كۇنى ماڭعىستاۋ وبلىسىندا جاۋىن-شاشىنداتىپ، كەي جەرلەردە تۇمان ءتۇسىپ، اۋا تەمپەراتۋراسى +6+11 بولادى. اقتوبە وبلىسىندا ازداپ جاۋىن-شاشىنداتىپ، جەل 15-20 م/س-قا دەيىن كۇشەيىپ، كەي جەرلەرىنە تۇمان ءتۇسىپ، اۋا تەمپەراتۋراسى +2-3 بولادى. باتىس قازاقستان وبلىسىندا دا جاۋىن-شاشىن، كوكتايعاق، اۋا تەمپەراتۋراسى 0+5 گرادۋس،  اتىراۋ وبلىسىندا دا جاۋىن-شاشىن، اۋا تەمپەراتۋراسى 0,+5 گرادۋس بولادى دەپ كۇتىلۋدە. اقمولا وبلىسىندا جاۋىن-شاشىنسىز، جەل 15-20 م/س-قا دەيىن كۇشەيەدى، اۋا تەمپەراتۋراسى 0,-5 گرادۋس، قوستاناي وبلىسىندا دا جەل 15-20 م/س-قا دەيىن كۇشەيىپ، اۋا تەمپەراتۋراسى 0,-5, سولتۇستىك قازاقستان وبلىسىندا جاۋىن-شاشىنسىز، اۋا تەمپەراتۋراسى -5,-10 گرادۋس، قاراعاندى وبلىسىندا جاۋىن-شاشىنسىز، كەي جەرلەرىندە جەل 15-20 م/س-قا دەيىن كۇشەيەدى، اۋا تەمپەراتۋراسى 0,-5 گرادۋس، پاۆلودار وبلىسىندا دا جاۋىن-شاشىنسىز، اۋا تەمپەراتۋراسى -8-13 گرادۋس، شىعىس قازاقستان وبلىسىندا -8-13 گرادۋس بولادى دەپ كۇتىلۋدە. الماتى وبلىسىنىڭ جالاڭاشكول اۋدانىندا وڭتۇستىك-باتىستان 20-25 م/س جەل تۇرادى، ەكىپىن 30 م/س-تان اسادى، اۋا تەمپەراتۋراسى +3-2 گرادۋس. وڭتۇستىك قازاقستان وبلىسىنىڭ كەي جەرلەرىندە جەل 15-20 م/س-قا دەيىن كۇشەيىپ، اۋا تەمپەراتۋراسى +14+19 گرادۋس بولادى، جامبىل وبلىسىندا جاۋىن-شاشىنسىز، اۋا تەمپەراۋتراسى +5+10 گرادۋس بولادى.

مەتەوقىزمەتتىڭ بولجامىنشا، استانادا سەيسەنبى كۇنى الا بۇلتتى، جاۋىن-شاشىنسىز. وڭتۇستىك-باتىستان 9-14 م/س جەل سوعادى، اۋا تەمپەراتۋراسى تۇندە -7-9°س، كۇندىز 0°،-2°س.

الماتىدا دا الا بۇلتتى، جاۋىن-شاشىنسىز. 0-5 م/س سامال سوعادى، تۇندە اۋا تەمپەراتۋراسى -8°-10°س، كۇندىز شامامەن 0°س بولادى.

جاقىن كۇندەرى قازاقستاننىڭ وزەن كولدەرىندە مۇز قاتۋ ۇدەرىسى جالعاسادى، جەكەلەگەن وزەندەردەگى سۋ دەڭگەيى كوتەرىلۋى ىقتيمال.