اتىراۋ 16 جەلتوقسان. قازتاگ – اتىراۋدا باسقا ۇلتتار اراسىندا قازاق ءتىلىن دارىپتەۋ جوباسى اياسىندا وتكىزىلگەن «مەن قازاقشا بىلەمىن!» كونكۋرسىنىڭ قورىتىندىسى شىعارىلدى. جوبانىڭ ۇيلەستىرۋشىسى اكادەميك ز. قابدولوۆ قورى.

جوبا اۆتورى، قابدولۆ قورىنىڭ ديرەكتورى، اقىن بەكەت قاراشيننىڭ ايتۋىنشا، بايقاۋ ءساۋىر ايىندا باستاۋ الىپ، تاۋەلسىزدىك كۇنى قارساڭىندا مارەسىنە جەتتى. «مەن قازاقشا بىلەمىن!» بايقاۋىنىڭ ءبىرىنشى تۋرىندا قاتىسۋشىلار قازاقتىڭ كلاسسيكتەرى مەن قازىرگى زامان جازۋشىلارىنىڭ شىعارمالارىن مانەرلەپ وقۋ، ولەڭ ايتۋدا جارىستى. ەكىنشى كەزەڭدە قاتىسۋشىلار شاعىن ەسسە جازۋلارى ءتيىس بولدى. بىراق ەڭ قيىنى «مەنىڭ وتانىم – قازاقستان!» كەزەڭى بولدى. وندا قاتىسۋشىلار تاريحي-مادەني مازمۇنداعى ۆيكتورينا ساۋالدارىنا جاۋاپ بەردى.

كونكۋرسقا اتىراۋ، كۇلسارى، سونداي-اق اتىراۋ وبلىسىنىڭ جىلىوي، ماحامبەت جانە يندەر اۋداندارىنان  قاتىستى.

ءبىرىنشى ورىننىڭ جۇلدەسى- نوۋتبۋكتى - «اتىراۋنەفتەماش» كاسىپورنىنىڭ قىزمەتكەرى ۆالەنتينا ەشيموۆا جەڭىپ الدى. ەكىنشى ورىن العان امۋ-ءدىڭ فيزيكا-ماتەماتيكا فاكۋلتەتىنىڭ ستۋدەنت قىزى اننا زاحاروۆا بەينەكامەرا يەلەندى.

ءۇشىنشى جەڭىمپاز، ماحامبەت اۋدانىنىڭ اقجايىق اۋلىنىڭ «قىزىل ءۇي» مەكتەبىنىڭ 8-ءشى سىنىپ وقۋشىسى ۆەرونيكا ليعا تسيفرلىق فوتواپپارات بۇيىردى.