"Abai.kz" اقپاراتتىق پورتالى وتكەندە ەتنومادەني ورتالىقتار جانىنا اشىلعان تەگىن ءتىل ۇيرەنۋ كۋرستارى جايلى جازعان بولاتىن. وندا جەكسەنبىلىك مەكتەپتەردىڭ ماڭىزدىلىعى جونىندە دە ايتىلدى.

جاقىندا «جەكسەنبىلىك مەكتەپتەردە  قازاق ءتىلى مەن ۇلتتىق (انا) تىلدەردى جەدەلدەتە وقىتۋداعى  ادىس، تاجىريبە، يننوۆاتسيا»  اتتى رەسپۋبليكالىق سەمينار-ترەنينگ ۇيىمداستىرىلماق. شارانىڭ باستاماشىسى بولىپ وتىرعان  قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى.

سەميناردىڭ  ماقساتى – ەتنومادەني ورتالىقتار جانىنداعى جەكسەنبىلىك مەكتەپتەردە قازاق جانە انا تىلدەرىن وقىتۋدىڭ ادىستەمەسىن جەتىلدىرۋ، وزىق تاجىريبەنى  زەردەلەۋ جانە قورىتۋ، وقىتۋدىڭ يننوۆاتسيالىق ادىستەرى مەن تەحنولوگيالارىن تاجىريبەگە ەنگىزۋ.

سەمينارعا  قر مادەنيەت جانە سپورت مينيسترلىگى  تىلدەردى دامىتۋ جانە قوعامدىق-ساياسي جۇمىس كوميتەتىنىڭ، ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ قىزمەتكەرلەرى، ادىسكەر عالىمدار، ءتىل ماماندارى، جەكسەنبىلىك مەكتەپ وقىتۋشىلارى قاتىسادى.

سەمينار بارىسىندا ادىسكەر-عالىمدار تىلدەردى وقىتۋدىڭ ءتيىمدى تەحنولوگيالارى مەن ءادىس-تاسىلدەرىمەن بولىسەدى. جەكسەنبىلىك مەكتەپ وقىتۋشىلارى مەن رەسپۋبليكاعا بەلگىلى  ۇزدىك ادىسكەرلەر پانورامالىق جانە شەبەرلىك ساباقتارىن كورسەتەدى.

وتەتىن ۋاقىتى: 2017 جىلدىڭ 29-ماۋسىمى.

وتەتىن ورنى: وسكەمەن قالاسى, حالىقتار دوستىعى كوشەسى, 6 ءۇي   «ەدەلۆەيس»  كونفەرەنتسيا زالى

Abai.kz