قىزىلوردادا 21 قازان كۇنى «ەنشى» زياتكەرلىك-تانىمدىق تەلەۆيزيالىق جوباسىنىڭ ايماقتىق كەزەڭى وتەدى
قىزىلوردادا 21 قازان كۇنى «ەنشى» زياتكەرلىك-تانىمدىق تەلەۆيزيالىق جوباسىنىڭ ايماقتىق كەزەڭى وتەدى دەپ حابارلايدى اباي-اقپارات.
ىرىكتەۋ وبلىس ورتالىعىنداعى №101 مەكتەپ-ليتسەيدە ساعات 10:00-دە باستالادى. جوباعا 10-11 سىنىپ وقۋشىلارى مەن 1-2 كۋرس ستۋدەنتتەرى قاتىسا الادى.
باعدارلاما قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى مەن ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ باستاماسىمەن قولعا الىنعان.
باعدارلاما ەلىمىزدىڭ ەڭ ءبىلىمدى جاسىن انىقتاۋعا باعىتتالعان. ءتورت كەزەڭدى قامتيتىن سايىسقا ەلىمىزدىڭ تۇكپىر-تۇكپىرىنەن 48 قاتىسۋشى ىرىكتەلىپ الىنادى. بىلگىرلەر باسەكەسىندە قويىلاتىن سۇراقتاردىڭ دەنى تاريح، مادەنيەت، ادەبيەت پەن سالت-داستۇرگە نەگىزدەلگەن.
ايتا كەتەيىك، ىرىكتەۋ كەزەڭى ەكى بولىمنەن تۇرادى. قاتىسۋشى 3-بلوكقا بولىنگەن تاپسىرمالاردى ورىندايدى. العاشقى بلوكتا بەرىلگەن 10 ساۋالدىڭ ءبىر عانا نۇسقاسى دۇرىس بولسا، ەكىنشى بلوكتا سۇراقتاردىڭ بىرنەشە جاۋابى بەرىلەدى. ال ءۇشىنشى بلوكتا ۇزىن-سانى جيىرما ساۋالدىڭ ەشبىر نۇسقاسى ۇسىنىلماستان، جازباشا تۇردە الىنادى. تەستىلەۋدەن جوعارى ۇپاي جيناعاندار ەكىنشى كەزەڭدە اۋىزشا ساۋالدارعا جاۋاپ بەرەدى.
Abai.kz
