شىلدە ايىنىڭ سوڭىندا استانادا ءحىىى حالىقارالىق «ەۋرازيا» كينوفەستيۆالى اياسىندا وتكەن «بەس قۇرلىق»  بالالار فيلمدەرىنىڭ فەستيۆالىندە «ساق» كينوستۋدياسىنىڭ «قازاق ەلى» تولىقمەتراجدى انيماتسيالىق ءفيلمى «ەڭ ۇزدىك ستسەناري» نوميناتسياسىن جەڭىپ الدى دەپ حابارلايدى اباي-اقپارات اقپارات اگەنتتىگى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ.

سالتاناتتى شارادا «قازاق ەلى» انيماتسيالىق ءفيلمىنىڭ رەجيسسەرى، وبلىستىق مادەنيەت باسقارماسىنىڭ «وڭتۇستىكفيلم» كمم-ءنىڭ ديرەكتورى، «ساق» كينوستۋدياسىنىڭ بەلگىلى ستسەناريسى، رەجيسسەر باتىرحان داۋرەنبەكوۆكە كينوفەستيۆالگە بەلسەنە قاتىسىپ، بالالار كينوسىنىڭ دامۋىنا ىقپال جاساعانى ءۇشىن قر تۇڭعىش پرەزيدەنتى   ەلباسى قورىنىڭ ارنايى جۇلدەسى مەن «العىس حاتى» سالتاناتتى تۇردە تاپسىرىلدى.

فەستيۆالدىڭ باعدارلاماسىندا قازاقستان، فرانتسيا، نيدەرلاند، قىتاي، اۋعانستان، يران، تۋنيس، پەرۋ، ءۇندىستان، مەكسيكا، يسپانيا، يتاليا، دانيا، گرۋزيا جانە ت.ب.  ەلدەردىڭ شىعارماشىلىق توپتارىنىڭ جۇمىستارى كورسەتىلدى. سونىمەن قاتار، «بەس قۇرلىق»  بالالار كينوفەستيۆالىنىڭ اشىلۋ سالتاناتىنا «وسكار»، «التىن گلوبۋس» سىندى كينو ونەرىندەگى بەدەلدى سىيلىقتاردىڭ يەگەرى، امەريكالىق اكتەر، پروديۋسەر، كينورەجيسسەر نيكولاس كەيدج قاتىستى.

Abai.kz