جاقىندا ەلىمىزدە لاتىن گرافيكاسىنا كوشۋ تۋرالى بارلىق اقپاراتتار تولىق قامتىلعان ينتەرنەت-پورتال ىسكە قوسىلاتىن بولادى، - دەپ حابارلايدى "Abai.kz" پورتالى. 

مۇنداي جاڭالىقتى بۇگىن استاناداعى ورتالىق كوممۋنيكاتسيالار قىزمەتىندە وتكەن بريفينگ بارىسىندا قر مادەنيەت جانە سپورت مينيسترلىگىنە قاراستى ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ ءمالىم ەتتى.

تىلەشەۆ مىرزانىڭ اقپاراتىنا سۇيەنسەك، قازىرگى تاڭدا «قازلاتىن» اتتى ينتەرنەت-پورتال اشۋ جوسپارلانىپ وتىر. اتالعان ينتەرنەت-پورتالدا لاتىن قارىپىنە كوشۋگە قاتىستى بارلىق اقپارات جيىنتىقتالعان.

- وسىنداي سايتتار، پورتالدار ءبىزدىڭ جاساپ جاتقان جۇمىسىمىزدى جەڭىلدەتەدى. قانداي جۇمىستار بولىپ جاتىر، قانداي نارسەلەر ىستەلۋ كەرەك، قانداي عىلىمي شارالار بار، سولاردىڭ بارلىعىنان حاباردار ەتەتىن بولامىز سىزدەردى، - دەدى ەربول تىلەشوۆ.

پرەزيدەنتتىڭ پارمەنىمەن جۇزەگە سىرىلىپ وتىرعان لاتىن قارىپىنىڭ جاڭا نۇسقاسى بىرەر كۇندە مەملەكەت باسشىسىنا تانىستىرىلعان بولاتىن.

ورتالىق باسشىسى ەربول تىلەشەۆ مىرزانىڭ ايتۋىنشا، ءالىپبي نۇسقاسىن ازىرلەۋگە قازاقستانداعى ەڭ مىقتى دەگەن 5 عالىم قاتىسقان. ال جۇمىسشى توپقا قوسىمشا قاراجات تولەنبەگەن.

لاتىن الىپبيىنە كوشۋ – قازاقتىڭ ءتول دىبىستارىن اشۋعا سەپتىگىن تيگىزەدى. بۇل دا ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ مىرزانىڭ ايتقانى.  ەربول مىرزانىڭ ايتۋىنشا، كەلەر جىلدان باستاپ ەلىمىزدە وسى سالا بويىنشا قىزمەت الاتىن ماماندار دايىندالادى.

ەستەرىڭىزگە سالا كەتەيىك، بىرەر كۇن بۇرىن مەملەكەت باسشىسىنا ءالىپبيدىڭ جاڭا نۇسقاسى تانىستىرىلعان بولاتىن. ءالىپبيدىڭ جوباسىنا قاتىستى 20 مىڭنان استام ادام ءتۇرلى پىكىر بىلدىرگەن. ولاردىڭ كوپشىلىگى الىپبيگە بايلانىستى، سونىمەن قاتار، جەكەلەگەن دىبىستار مەن ەنگىزىلۋ ەرەكشەلىگىنە بايلانىستى بولدى.

«ءبىز ەلباسىنا ديگرافپەن كىرگەنبىز. ول كىسى، ول جەردە ءوزىنىڭ ۇسىنىسىن ايتتى جانە ول ۇسىنىس وتە دۇرىس بولدى. بىزدە ونداي ۇسىنىس بولعان، بىراق ءبىز ورتاق مامىلەگە كەلە الماعانبىز. سول ورتاق شەشىمدى ەلباسى تاۋىپ بەردى»، - دەدى ەربول تىلەشوۆ.

Abai.kz