جاڭا لاتىن اۆتورلارى كيريليتسانىڭ كەمشىلىكتەرى جايلى ايتتى،-دەپ حابارلايدى "Abai.kz" اقپاراتتىق پورتالى.

"وتكەن عاسىردان بەرگى قازاق جۇرتى قولدانىپ كەلگەن، كۇنى بۇگىنگى قولدانىستاعى  42 ارىپتەن تۇراتىن ءالىپبي – جاساندى ءالىپبي",- دەيدى شاياحمەتوۆ اتىنداعى تىلدەردى دامىتۋ جونىندەگى رەسپۋبليكالىق ۇيلەستىرۋ-ادىستەلەملىك ورتالىعىنىڭ ديرەكتورى ەربول تىلەشوۆ.

قازىرگى قولدانىستاعى الىپبيدە 42 ءارىپ بار ەكەنى بەلگىلى. ولاردىڭ دەنى ورىس الىپبيىندە قولدانىلادى.

"بۇگىنگى ءبىزدىڭ قولدانىپ جۇرگەن الىپبيدە 42 ءارىپ بار. ءبىز بەلگىلەردى نەمەسە ارىپتەردى ەمەس، دىبىستاردى ساناۋىمىز كەرەك. قازاقشا دىبىستار بار ما؟ 42 ءارىپ – ول جاساندى ءالىپبي. قازاق تىلىندە ونداي دىبىستار جوق. ماسەلەن، اعىلشىن ءتىلىنىڭ الىپبيىندە 26 ءارىپ، 44 دىبىس بار. ولار 44 دىبىستى 26 بەلگىنىڭ كومەگىمەن قولدانادى. ال بىزدە كەرىسىنشە، 28 دىبىس، 42 ءارىپ بار. بۇل دۇرىس ەمەس", – دەدى ەربول تىلەشوۆ ورتالىق كوممۋنيكاتسيالار قىزمەتىنىڭ ءباسپاسوز ءماسليحاتىندا.

تىلەشوۆتىڭ ايتۋىنشا، يا جانە يۋ سىندى ارىپتەر قازاق تىلىندە دە، ورىس تىلىندە دە جوق.

"ورىس تىلىندە يا – يا، يۋ – يۋ دەگەندى بىلدىرەدى. ونداي ارىپتەردىڭ قانداي قاجەتتىلىگى بار؟ قازاق تىلىندە، سونداي-اق جىڭىشكەلىك بەلگىسى مەن ايىرۋ بەلگىسىن دە ۇستاۋدىڭ قاجەتتىلىگى جوق. بىزدە سينگورمانيزم جىڭىشكەلىك بەلگىسىمەن ەمەس، بۋىنمەن انىقتالادى", - دەپ ءتۇسىندىردى تىلەشوۆ.

بۇدان بولەك، تىلەشوۆ اعىلشىن تىلىمەن سالىستىرعاندارعا دا جاۋاپ بەردى.

"لاتىن ءالىپبيى – اعىلشىن ءالىپبيى ەمەس. اعىلشىن ءتىلى لاتىن ءالىپبيى نەگىزىندە جاسالعان، قازاق ءتىلى دە سولاي بولماق. ءتىلدى الىپبيمەن شاتاستىرۋدىڭ قاجەتى جوق. فرانتسۋز ءتىلى دە لاتىن ءالىپبيىنىڭ نەگىششىندە جاسالعان. سونى ەسكەرەيىك", - دەدى شاياحمەتوۆ اتىنداعى تىلدەردى دامىتۋ جونىندەگى رەسپۋبليكالىق ۇيلەستىرۋ-ادىستەلەملىك ورتالىعىنىڭ ديرەكتورى.

Abai.kz