بۇرىنعىلار "قوينىڭداعى قاتىنىڭ مەن استىڭداعى اتىڭا سەنبە" دەگەن عوي. قازىر سول ەكەۋىنەن بولەك جانىڭداعى جولداسىڭا دا سەنۋگە بولمايدى.

جولداس دەيمىن-اۋ، جاقىن تۋىسىڭنىڭ وزىنە ارقا سۇيەردە əۋەلى بايقاپ قاراپ العان ءجون. بۇل ايتقانىمىز كۇن وتكەن سايىن دəلەلىن كۇشەيتىپ جاتىر. Əسىرەسە، سəل əلسىرەپ قالساڭ جانىڭنان جان تاپپاي قالاتىن زامان بۇگىن.

ايتايىن دەگەنىم اينالاسىنداعى ادامعا ۇنەمى جاقسىلىق جاساپ، كومەك قولىن سوزىپ جۇرەتىن جاقىنىم بار. اناۋ ەندى، بىلەگىن ءتۇرىپ تاستاپ، ىنتا-شىنتاسىمەن جəردەمىن بەرگەندە وزگە ەمەس، ءوزىنىڭ جۇمىسىن جاساپ جاتىر ەكەن دەپ قالاتىنمىن.

جولدا قالعان كولىككە ارنايى توقتاپ، جاعدايىن ءبىلىپ، كەرەك-جارىعىن پəلەنباي شاقىرىم جەردەن əكەلىپ بەرىپ، كولىگىن جوندەپ قاتارعا قوسقانىن تالاي كوزىمىزبەن كوردىك. ال، اينالاسىنداعى دوستارىنىڭ مۇنسىز تىرلىگى بىتپەيتىن. قيت ەتسە تەلەفون شالىپ، شارۋالارىن ايتا كەتەتىن. ءتىپتى، ەل-جۇرت "پəلەنشەنىڭ بالالارىنىڭ اراسىندا ەڭ ءتəۋىرى وسى بالاسى" دەپ əڭگىمە قىلاتىن.

سويتكەن باۋىرىم از ۋاقىتتىڭ ىشىندە بار ابىرويىنان ايرىلىپ، سىناقتىڭ ۇلكەنىنە جولىقتى. ءوزى دە ءبىراز ادامدى الداپ، سەنىمنەن جۇرداي بولدى. قىرسىق شالىپ ءىسى ءبىر العا تارتپادى. بالانىڭ سۇرىنگەنىن كۇتكەندەي ەكەن، ەلدە شۋلاي جونەلدى. اعايىن دا الىستادى. دوستارى باسقا دوس ىزدەپ كەتتى. Əيتەۋىر تەرىس اينالعان ادامنىڭ قاراسى كوپ.

سوندا دەيمىن دە... باياعى باۋىر، دوس، جورا-جولداس قايدا كەتتى؟ تەكسىزدىگىن تابان استىندا كورسەتە سالدى ما؟ Əلدە، سولاي بولۋىن كۇتىپ ءجۇردى مە؟ نەدە بولسا بىرگە جۇرگەندەرىنىڭ كۇن ءۇشىن جۇرگەنىن كوردى. بəلكىم سونى كورۋى ءۇشىن دە سىنالعان بولار...

ەلدوس ءجۇسىپ

Facebook-تەگى پاراقشاسىنان