ايگىلى اكتەر قۇمان تاستانبەكوۆپەن قوشتاسۋ ءرəسىمى 20 جەلتوقسان كۇنى تاڭعى 10-دا اكتەردىڭ 1968 جىلدان بەرى قىزمەت ەتكەن ورنى - م.Əۋەزوۆ اتىنداعى قازاق اكادەميالىق دراما تەاترىندا وتەدى.

قۇمان تاستانبەكوۆ 72 جاسىندا اقتاۋ قالاسىندا دۇنيە سالدى. اكتەر ماڭعىستاۋ وبلىسىنداعى تۋىستارىنا قوناققا بارعان. جەكسەنبى كۇنى 17 جەلتوقساندا قۇمان تاستانبەكوۆتىڭ ءمəيىتى اقتاۋدان الماتىعا ۇشاقپەن جىبەرىلدى. مارقۇمنىڭ ءمايىتىن شىعارىپ سالۋعا ماڭعىستاۋ وبلىسىنىڭ اكىمى ەرالى توعجانوۆ پەن جەرگىلىكتى زيالى قاۋىم وكىلدەرى جانە قالا تۇرعىندارى اۋەجايعا جينالدى.

Əۋەجايدا ماڭعىستاۋ وبلىسىنىڭ əكىمى ەرالى لۇقپانۇلى مارقۇمنىڭ ومىرلىك جارى مەرۋەرت وتەكەشوۆاعا، بالالارى مەن اعايىن-باۋىرلارىنا جانە اكتەردىڭ ونەرىن قاستەرلەپ، ازاماتتىق تۇلعاسىن قادىر تۇتقان بارشا قاۋىمعا ماڭعىستاۋ جۇرتشىلىعىنىڭ اتىنان كوڭىل ايتتى.

ەسكە سالا كەتەيىك، كەشە مەملەكەت باسشىسى نۇرسۇلتان نازارباەۆ كورنەكتى تەاتر جانە كينو اكتەرى، قازاقستاننىڭ حالىق ءارتىسى قۇمان تاستانبەكوۆتىڭ قايتىس بولۋىنا بايلانىستى تۋىستارى مەن جاقىندارىنا كوڭىل ايتۋ جەدەلحاتىن جولدادى. جەدەلحاتتا ق.تاستانبەكوۆتىڭ وتاندىق تەاتر جانە كينو ونەرىن دامىتۋعا، سونداي-اق جاس ۇرپاقتى تاربيەلەۋگە قوسقان زور ۇلەسى اتاپ كورسەتىلگەن.

اباي-اقپارات