دۇنيەجۇزىلىك بانكتىڭ (دب) ديرەكتورلار كەڭەسى تاجىكستاننىڭ اۋىل شارۋاشىلىق سالاسىنا قوسىمشا 15 ملن دوللار بولۋگە شەشىم قابىلدادى. بۇل جونىندە دب-نىڭ دۋشانبەدەگى وكىلدىگى مالىمدەدى.
جوبا تاجىك فەرمەرلەرى مەن اۋىل شارۋاشىلىعىمەن اينالىساتىن كاسىپكەرلەردىڭ ەڭبەك ونىمدىلىگىن ارتتىرۋعا ارنالعان.

دۇنيەجۇزىلىك بانكتىڭ تاجىكستانداعى تۇراقتى وكىلى يان-پەتەر ولتەرس تاجىكستاندا وندىرىلەتىن ازىق-تۇلىكتى ەكسپورتقا شىعاراتىن بولسا، كاسىپكەرلەرگە ءوندىرىستى ارتتىرىپ، جۇمىس كۇشىن كوبەيتۋگە مۇمكىندىك بەرىلەدى دەپ ەسەپتەيدى.

اۋىل شارۋاشىلىعى سالاسىن كوممەرتسياليزاتسيالاۋ جوباسىنا حالىقارالىق دامۋ قاۋىمداستىعىنان 22 ملن دوللار بولىنەدى. بۇل جوبا اياسىندا مىڭنان استام جەكە كاسىپكەرگە 3,3 ملن دوللار شاماسىندا قارجى بەرىلەدى.

Abai.kz