تاشكەنت وبلىسى كيبراي اۋدانى قۇقىق قورعاۋ ورگانىندا جۇمىس ىستەيتىن قىزمەتكەردىڭ حابارلاۋىنشا، ستۋدەنت ەلدەن قاشىپ كەتپەك بولعان كەزدە ۇستالعان.

«ستۋدەنت 13 جەلتوقساندا ۇستالعان. ول وزبەكستان شەكاراسىنان قازاقستان اۋماعىنا زاڭسىز وتپەك بولعان. ونى ۇستاۋ بارىسىندا كۇدىكتى قارسىلاسىپ، شەكارا قىزمەتكەرىنە پىشاق سۇقتى. جارالانعان قىزمەتكەر اۋرۋحاناعا جەتكىزىلدى»، – دەيدى ول.

ميليتسيونەردىڭ سوزدەرىنشە، ستۋدەنتكە ءۇش باپ بويىنشا قىلمىستىق ءىس قوزعالعان.

يسلام ۋنيۆەرسيتەتىنىڭ قاۋىپسىزدىك بويىنشا قىزمەتكەرى ۇستالعان نامانعاندىق ستۋدەنت بۇرىن-سوڭدى وعاش قىلىعىمەن كوزگە تۇسپەگەنىن ايتادى. ال بىرگە وقيتىن كۋرستاستارى ايىپتالۋشى ستۋدەنتتىڭ قازاقستاندا اكەسى تۇراتىنىن، سول ءۇشىن كورشى ەلگە ءجيى بارىپ-كەلىپ جۇرەتىنىن باياندايدى.

جەرگىلىكتى باق-تىڭ حابارلاۋىنشا، ستۋدەنتتەن تاركىلەنگەن "سۋىق قارۋ" قولدان جاسالعان 45 سانتيمەترلىك قانجار بولىپ شىققان.

Abai.kz