ترامپ كەڭەسشىسى رەسەي ارەكەتىنە قارسى تۇرۋعا شاقىرادى
اق ءۇيدىڭ ۇلتتىق قاۋىپسىزدىك جونىندەگى كەڭەسشىسى گەربەرت ماكماستەر باتىس ەلدەرى رەسەيدىڭ "تۇراقسىزداندىرۋ ارەكەتىنە" قارسى تۇرۋ كەرەك دەپ ەسەپتەيدى. ونىڭ سوزدەرىنشە، ماسكەۋ اشىق جانە ەركىن قوعامدى بۇزۋ ءۇشىن "وتە قيىن كامپانيا" جۇرگىزىپ جاتىر.
BBC-گە بەرگەن سۇحباتىندا ماكماستەر "رەسەيدىڭ اقش پرەزيدەنت سايلاۋىنا ارالاسۋى، ۇلتتىق قاۋىپسىزدىككە توندىرەتىن قاتەر" دەپ مالىمدەگەن.
گەربەرت ماكماستەر 2016 جىلعا سايلاۋ كامپانياسى كەزىندە رەسەيلىك ارالاسۋدىڭ نەگىزگى ماقساتى اقش-تىڭ ساياسي كورىنىسىنىڭ ەكى تارابى بولدى دەپ ەسەپتەيدى. ونىڭ سوزدەرىنشە، رەسەي شيەلەنىس جاساۋ ءۇشىن، سولشىل جانە وڭشىل كۇشتەردى دە قولداۋى مۇمكىن.
بىرەر كۇن بۇرىن جارىق كورگەن اقش ۇلتتىق قاۋىپسىزدىگىنىڭ جاڭا ستراتەگياسىندا رەسەي مەن قىتايدى امەريكامەن باسەكەلەسۋشى كۇش رەتىندە اتاپ، "امەريكا بيلىگىنە ىقپال جاساپ، ەل قاۋىپسىزدىگى مەن دامۋىنا كەدەرگى كەلتىرۋى مۇمكىن" دەپ كورسەتكەن.
Abai.kz
