بۇل تۋرالى ازاتتىقتىڭ تۇركىمەن قىزمەتىنە بەلسەندىنىڭى جاقىندارى حابارلاعان. 7 جەلتوقساندا گالينا كۋچەرەنكونى جانە ونىڭ قىزى ۆالەريانى بولەك-بولەك ۇستاپ اكەتىپ، ۇيىندە "انتيسانيتارلىق ارەكەتى ءۇشىن" اكىمشىلىك قاماۋعا العان. بەلسەندىنىڭ كورشىلەرى كۋچەرەنكونىڭ ۇستىنەن ونىڭ ۇيىندە "شەكتەن تىس يت پەن مىسىق ۇستادى" دەپ شاعىمدانعان. سوڭىنان ۆالەريا ايىپپۇل سالىنعان سوڭ بوساتىلعان.

تۇركىمەنستاندا قامالعان ازاماتتىق بەلسەندى گالينا كۋچەرەنكونى 12 جەلتوقساندا قىزى ۆالەريا مەن كەزدەستىرۋگە جانە جىلى كيىم الۋعا رۇقسات بەرگەن. ول قاماۋدا بولعان كەزدە كۋچەرەنكونى قورعاۋ مەن قولداۋعا ارنالعان حالىقارالىق ناۋقان جۇرگىزىلدى. حالىقارالىق ادام قۇقىعىن قورعاۋ ۇيىمدارى تۇركىمەن بيلىگىنەن بەلسەندىنى بوساتۋدى تالاپ ەتتى. تۇركىمەنستانداعى ديپلوماتيالىق وكىلدىكتەر، سونىڭ ىشىندە رەسەي ەلشىلىگى دە بار، تۇركىمەنستاننان وسى ماسەلەگە قاتىستى تۇسىنىك بەرۋىن سۇراعان.

گالينا كۋچەرەنكو الەۋمەتتىك جەلىلەردە قۇقىق قورعاۋ ورگاندارى قىزمەتكەرلەرىن ء"ۇي جانۋارلارىن جاپپاي ءولتىرىپ جاتىر" دەپ سىناپ كەلگەن. بۇعان دەيىن وعان ءتۇرلى قوقان لوققى كورسەتىلگەنى ايتىلادى.

Abai.kz