وسك ۇمىتكەرلەردىڭ كوپتىگىنە ايلانىستى جۇمىس ساعاتىن جەكسەنبىگە سوزعان.

بۇعان دەيىن 24 جەلتوقساندا ناۆالنىيدى رەسەيدىڭ كوپتەگەن قالالارىنان، سونىڭ ىشىندە ماسكەۋ مەن پەتەربۋرگتەن بىرنەشە باستاماشىل توپ پرەزيدەنتتىككە ۇمىتكەر رەتىندە ۇسىندى.

بۇنىڭ الدىندا، جەكسەنبى كۇنى الەكسەي ناۆالنىي، جۋرناليستەر سۇراقتارىنا جاۋاپ بەرۋ كەزىندە، ءوزىن تىركەمەگەن جاعدايدا، سايلاۋعا بوكوت جاريالاۋ باعىتىندا جۇمىس ىستەيتىندىگىن مالىمدەگەن.

وپپوزيتسيونەر الەكسەي ناۆالنىي ماسكەۋدە 24 جەلتوقساندا ءوز جاقتاۋشىلارىمەن بىرگە وتكىزگەن جيىندا جەڭىسكە جەتىپ، بيلىكتى اۋىستىرعىسى، جاڭا ۇكىمەت جاساقتاعىسى كەلەتىنىن مالىمدەدى.

ناۆالنىي 2018 جىلى ۆلاديمير پۋتين جەڭىسكە جەتسە، سايلاۋشىلار تاعى التى جىلدى بوسقا جوعالتادى دەپ ەسكەرتتى. "سەن، ۆلاديمير پۋتين، ەلدى ءوزىڭدى جانە وتباسىڭدى، دوستارىڭدى بايىتۋدىڭ كوزىنە اينالدىردىڭ. سول سەبەپتى ساعان ەندى پرەزيدەنت بولۋدىڭ قاجەتى جوق", – دەپ مالىمدەدى ناۆالنىي.

Abai.kz