تدح مەملەكەتتىك اقپارات اگەنتتىگىنىڭ حابارلاۋىنشا، بىرەر كۇن بۇرىن تۇركىمەنستان پرەزيدەنتى گۋربانگۋلى بەردىمۇحامەدوۆ ساپارمۇرات نيازوۆ اتىنداعى مۇراجايدىڭ اشىلۋ سالتاناتىنا قاتىسقان. وعان ەلدىڭ ايتۋلى تۇلعالارى دا بارعان.

11 جىل بۇرىن قايتىس بولعان تۇڭعىش پرەزيدەنتتىڭ ءولىمى اۋىر ەكونوميكالىق داعدارىسقا تۇسپا-تۇس كەلگەن. قازىرگى ۋاقىتتا دا ەل داعدارىستان شىعا قويمادى.

مەملەكەت باسشىسى سوزدەرىندە تۇڭعىش پرەزيدەنتكە ارناپ قۇران وقىلاتىنىن، ەسكە الۋ شارالارى وتكىزىلەتىنىن ايتتى. بىراق ونىڭ كوزى ءتىرى كەزىندە بەرىلگەن "ۇلى تۇركىمەنباشى" دەگەن اتاعى ايتىلمادى.

نيازوۆ قايتىس بولعاننان كەيىن، وعان ارناپ سالىنعان بارلىق ەسكەرتكىشتەر الىنىپ تاستالدى. سونىمەن بىرگە بەيتاراپتىق قاقپاسىندا ورنالاسقان 83 مەترلىك التىن ءمۇسىننىڭ دە كوزى جويىلدى. نيازوۆتىڭ تۋىستارىنىڭ اتىنا بەرىلگەن قالا، اۋدان اتتارى دا قايتا وزگەردى.

ساپارمۇرات نيازوۆ تۇركىمەنستاندى 1985 جىلدان 2006 جىلعا دەيىن باسقاردى.

Abai.kz