كۇنى كەشە ەلباسى ەلدى يندۋستراليزاتسيالاۋ جوسپارىنىڭ قالاي ىسكە اسىپ جاتقانىن كورىپ جانە جاڭادان سەكسەن (!) كاسىپورىننىڭ اشىلۋىنا اق باتاسىن بەردى. ءار ايماقتىڭ اكىمى پرەزيدەنتكە وبلىستاعى يندۋستراليزاتسيالاۋ جوسپارىنىڭ قالاي ورىندالىپ جاتقانىن بايانداپ بەردى. قىزىق وسى جەردەن باستالدى.

پرەزيدەنت اقمولا وبلىسىنىڭ اكىمى سەرگەي دياچەنكودان ەڭبەك ونىمدىلىگىنىڭ ناقتى كورسەتكىشىن ايتۋدى سۇراعاندا، سەكەڭ قارا باسىپ كۇمىلجىپ قالدى. بار ايتقانى: «ەڭبەك ونىمدىلىگى از. بىراق بار» دەگەن قىسقا جاۋاپ بولدى. ونىڭ ءوزىن ەكىلىك العان بالاداي ازەر ايتتى. ال، پرەزيدەنت سەكەڭدى «ايماقتاعى ەڭبەك ونىمدىلىگىنەن حابارىڭ جوق، دەمەك جۇمىس بارىسىن قاداعالامايسىڭ» دەپ ەكى اياعىن ءبىر ەتىككە تىقتى. سەرگەي نە دەسىن، كۇمىلجىپ قالا بەردى.

ءباسپاسوز بەتىندەگى سىندارعا بىلق ەتپەيتىن اتىراۋ وبلىسىنىڭ اكىمى بەرگەي رىسقاليەۆ بۇل جولى ادبەن ساستى. پرەزيدەنت بەرگەيدى ايماقتاعى شاعىن جانە ورتا بيزنەستىڭ دامىتا الماي وتىرسىڭ دەپ سىنعا الدى. پرەزيدەنت: «سەن يندۋستريانى دامىتۋمەن اينالىسپايسىڭ. جىلىنا 25 ميلليونعا دەيىن قاراجات بولىنەدى. ءبارى بار - ونەركاسىپ جوق. مۇناي مەن گاز سەنىڭ شارۋاڭ ەمەس. ونىمەن اينالىساتىندار بار»، - دەپ وبلىستاعى وتاندىق بيزنەستى دامىتۋعا ساۋساعىن قيمىلداتپاعاندىعىن بەرگەيدىڭ بەتىنە باستى. اقىر سوڭىندا ەلباسى اتىراۋمەن سالىستىرعاندا مۇنايى دا، گازى دا جوق اقتوبەنى بەرگەي رىسقالەۆقا ۇلگى ەتتى.

كۇنى كەشە ەلباسى ەلدى يندۋستراليزاتسيالاۋ جوسپارىنىڭ قالاي ىسكە اسىپ جاتقانىن كورىپ جانە جاڭادان سەكسەن (!) كاسىپورىننىڭ اشىلۋىنا اق باتاسىن بەردى. ءار ايماقتىڭ اكىمى پرەزيدەنتكە وبلىستاعى يندۋستراليزاتسيالاۋ جوسپارىنىڭ قالاي ورىندالىپ جاتقانىن بايانداپ بەردى. قىزىق وسى جەردەن باستالدى.

پرەزيدەنت اقمولا وبلىسىنىڭ اكىمى سەرگەي دياچەنكودان ەڭبەك ونىمدىلىگىنىڭ ناقتى كورسەتكىشىن ايتۋدى سۇراعاندا، سەكەڭ قارا باسىپ كۇمىلجىپ قالدى. بار ايتقانى: «ەڭبەك ونىمدىلىگى از. بىراق بار» دەگەن قىسقا جاۋاپ بولدى. ونىڭ ءوزىن ەكىلىك العان بالاداي ازەر ايتتى. ال، پرەزيدەنت سەكەڭدى «ايماقتاعى ەڭبەك ونىمدىلىگىنەن حابارىڭ جوق، دەمەك جۇمىس بارىسىن قاداعالامايسىڭ» دەپ ەكى اياعىن ءبىر ەتىككە تىقتى. سەرگەي نە دەسىن، كۇمىلجىپ قالا بەردى.

ءباسپاسوز بەتىندەگى سىندارعا بىلق ەتپەيتىن اتىراۋ وبلىسىنىڭ اكىمى بەرگەي رىسقاليەۆ بۇل جولى ادبەن ساستى. پرەزيدەنت بەرگەيدى ايماقتاعى شاعىن جانە ورتا بيزنەستىڭ دامىتا الماي وتىرسىڭ دەپ سىنعا الدى. پرەزيدەنت: «سەن يندۋستريانى دامىتۋمەن اينالىسپايسىڭ. جىلىنا 25 ميلليونعا دەيىن قاراجات بولىنەدى. ءبارى بار - ونەركاسىپ جوق. مۇناي مەن گاز سەنىڭ شارۋاڭ ەمەس. ونىمەن اينالىساتىندار بار»، - دەپ وبلىستاعى وتاندىق بيزنەستى دامىتۋعا ساۋساعىن قيمىلداتپاعاندىعىن بەرگەيدىڭ بەتىنە باستى. اقىر سوڭىندا ەلباسى اتىراۋمەن سالىستىرعاندا مۇنايى دا، گازى دا جوق اقتوبەنى بەرگەي رىسقالەۆقا ۇلگى ەتتى.

تاعى ءبىر جاڭالىق. پرەزيدەنت قىزمەتتەرىن پايدالانىپ، بيزنەستىڭ اياعىنا تۇساۋ بولىپ جۇرگەن قارجى پوليتسياسى قىزمەتكەرلەرىنىڭ ءاربىرىن اتى-جونىنە دەيىن بىلەتىندىگىن ايتىپ، باس پروكۋراتۋرا مەن ءىىم-نە ەلدەگى كاسىپكەرلەردىڭ قۇقىعىن قورعاۋدى تاپسىردى.

شىنى كەرەك، مۇنىڭ ءبارى ءبىز ءۇشىن ۇيرەنشىكتى نارسە. بيۋدجەتتەن قىرۋار قارجى ءبولىنىپ، ناقتى ءىس جاسالماسا دا ول ءۇشىن ەشكىم ايىپتى بولىپ شىققان ەمەس. بۇگىنگە دەيىن. بالكىم ەرتەڭ باسقاشا بولار...

ال، وسىعان دەيىن تەك قىزمەتىنەن الىپ تاستاۋ «جازاسى» بەرىلىپ كەلەدى. قىزمەتىنەن كەتكەن اكىم-قارالار جۇمىسسىز قالمايدى. توگىپ ءىشىپ، شاشىپ جەپ شايقاپ جۇرەدى. اراعا ۋاقىت سالىپ تاعى ءبىر جىلى ورىنعا قونجيا قالادى. ءسويتىپ، باياعى ادەتىنە قايتا باسادى. جاۋىر بولعان، جالىقتىرعان ستسەناري. مۇنى ءبىز پرەزيدەنتتىڭ نازارىنا ءتۇسىپ، سىنىنا ۇشىراعان سەرگەي دياچەنكو مەن بەرگەي رىسقاليەۆتىڭ جونىنەن ايتىپ وتىرمىز. سەبەبى، ءبىزدىڭ بيلىكتىڭ مىزعىماس ءداستۇرى بويىنشا، اۋەلى ەل ىشىندە اۋىس-ءتۇيىس تۋرالى اڭگىمە گۋلەيدى. سوسىن بىرقاتار ادامدار جوق جەردەن ەلباسىنىڭ سىنىنا ۇشارايدى. جاڭا پايدا بولعان ادامداي. ومىرىندە تۇڭعىش رەت ءوزى باسقارعان ايماقتىڭ ءىسىن ءسال-ءسال عانا اقساتىپ العانداي. قۇددى اياعى جوق ەرتەگى دەرسىڭ.

ەندى، كوردە تۇرىڭىز، سىنعا ىلىككەن سەكەڭ مەن بەكەڭ ورىن اۋىستىرۋلاردىڭ العاشقىسى بولاتىن شىعار.

ال ەندى جەكە كاسىپكەرلەردى جەم قىلۋدى اتا داستۇرىنە اينالدىرعان مىنا قارجى پوليتسياسىنىڭ كەيبىر قىزمەتكەرلەرى تۋرالى پرەزيدەنتتىڭ ايتقانى باياعىداعى «اربىرەۋىڭدى قولىڭنان سۇيرەپ سوتقا اپارا الامىن» دەگەن ءسوزىن ەسكە تۇسىرەدى. كەشە عانا تالدىقورعان قالاسىندا الا دورباعا اينالعان مەملەكەتتىك تۋدى قورعاي الماي، وعان بايلانىستى زاڭدى قاداعالاي الماي وتىرعان باس پروكۋراتۋرا مەن ءىىم-گى وتاندىق بيزنەسكە اراشا ءتۇسىپ، قامالدى قورعانى بولادى دەگەنگە سەنىم از. كورەرمىز. پرەزيدەنتتىڭ ءسوزى مەن ونىڭ قالاي ورىندالعانىن.

ايتپاقشى، كەشە عانا اقتىق ساپارعا اتتانعان قۇدايبەرگەن سۇلتانباەۆتىڭ «دومبىرا قازاقتىڭ ءوزى سياقتى نەگە بولسا دا كونگىش. قانداي ءان تارتساڭ دا كەلە بەرەدى» دەگەن ءسوزى جوعارداعى بولعان جايتتاردى ويلاعاندا ەسكە ءتۇسىپ وتىرعانى...

«اباي-اقپارات»