بيىل كوكتەمدە تاجىكستاننىڭ ۇلتتىق بانكى اۋىر قىلمىسى ءۇشىن ىزدەۋدە جۇرگەن 200 ادامنىڭ اتى-ءجونى مەن تىيىم سالىنعان 15 ۇيىمدى جاريالادى. ۇكىمەتتىك ەمەس ۇيىمدار مەن ازاماتتاردى اتالعان تۇلعالارمەن قارجىلاي ىنتىماقتاستىق جاساۋدى توقتاتۋعا شاقىرعان.

ۇلتتىق بانك وكىلى "قارا" تىزىمگە ەنگەندەردىڭ اكتيۆتەرى بۇعاتتالعانىن ايتادى. ولار زاڭسىز كەلگەن اقشانى زاڭداستىرماق بولعان دەيدى. "قارا" ءتىزىم Financial Action Task Force (FATF) حالىقارالىق ۇيىمنىڭ تالاپ ەتۋىمەن جاسالعان.

"قارا" تىزىمگە تاجىكستانداعى يسلامنىڭ جاڭعىرۋى، "گرۋپپا 24", "ەركىن تاجىكستان", "اعايىندى مۇسىلماندار", "يسلام مەملەكەتى", ء"ال-كايدا", "دجاماات انسوررۋلوح", "وزبەكستاننىڭ يسلام قوزعالىسى" سەكىلدى ۇيىمدار ەنگەن.

كولەڭكەلى قارجىنى زاڭداستىرۋعا قارسى زاڭ 2011 جىلدىڭ 25 ناۋرىزىندا قابىلدانعان. بىراق سوعان قاراماستان تاجىكستاندا قىلمىستىق جولمەن كەلگەن قارجىنى زاڭداستىرۋ جولى كەڭ تارالعان.

Abai.kz