«ءومىر جولى» قوعامدىق قورى وسى جىلى قازان ايىندا «زورلىق- زومبىلىقسىز ءومىر» اتتى جوبا اياسىنداعى جۇمىستارىن باستاپ كەتكەن بولاتىن. قازاقستانداعى اقش ەلشىلىگىنىڭ قولداۋىمەن جۇزەگە اسىپ وتىرعان بۇل جوبا تۇرمىستىق جاعدايدا ءزابىر كورۋشىلەردى قورعاۋ جانە ولارعا قۇقىقتىق- مەديتسينالىق كومەك كورسەتۋدى ماقسات ەتەدى. ءزابىر كورۋشىلەرلە جەدەل تۇردە كومەك كورسەتۋ ءۇشىن ارنايى زاماناۋي تەحنولوگيالار قاراستىرىلعان. ارنايى جاساقتاندىرىلعان دابىل تۇيمەسىن باسۋ ارقلى زابىرلەنۋشى وزىنە جەدەل تۇردە كومەك شاقىرا الادى.

سونىمەن قاتار قوردىڭ سايتى 24 ساعات بويى تۇرمىستىق جاعدايدا ءزابىر كورۋشىلەردىڭ ارىز- شاعىمىن قابىلداپ، ولارعا زاڭدىق تۇرعىدا كومەك كورسەتەدى. ارينە، ءبىر عانا قور وسىنداي اۋقىمدى جوبانى جالعىز ءوزى جۇزەگە اسىرا المايدى. سوندىقتان قر باس پروكۋراتۋراسى ، قر ءىىم، مەن «قازاقستان كريزيس ورتالىعىنىڭ وداعى»، تۇرمىستىق ءزابىر كورۋشىلەرگە قولداۋ كورسەتەتىن مەملەكەتتىك ورتالىقتار، «RGL» جشس ، «KT Cloud Lab» جشس، «اكتسەنت ميكروسيستەمس» جشس سەكىلدى سەرىكتەستەر وسى جوبا اياسىندا ەل ازاماتتارىنىڭ قۇقىعىن قورعاۋعا دايىن وتىر. ازاماتتىق مەملەكەتتە ءار ادامنىڭ قۇقىعى قورعالۋى ءتيىس. سوندا عانا ءبىز دامىعان ءارى قۋاتتى مەملەكەت جاساي الامىز.

ەڭ باستىسى ازاماتارمىز ءوزىنىڭ قۇقىعىن زاڭگەرلەر تاراپىنان بارىنشا قورعاۋعا دايىن قوعامدىق ۇيىمدار مەن قورلار جانە ورتالىقتار بار ەكەنىن ءبىلۋى ءتيىس.

Abai.kz