جەرگىلىكتى اقپارات قۇرالدارىنىڭ حابارلاۋىنشا، مۇنداي شەشىم پرەزيدەنتتىڭ وتكەن اپتاداعى پرەمەر-ءمينيستردىڭ جاساقتاعان ۇكىمەتىن (5 مينيستر مەن 2 ۆيتسە-مينيستر كانديداتۋراسىن) ماقۇلداماي قويۋىنا بايلانىستى بولدى. ەل زاڭناماسى بويىنشا، پرەزيدەنت پرەمەر-ءمينيستردىڭ ۇسىنىسىن تەك ءبىر رەت قايتارا الادى.

كونستيتۋتسيالىق سوت پرەزيدەنتتىڭ قىزمەت وكىلەتى پارلامەنت توراعاسى نەمەسە پرەمەر-مينيسترگە وتەدى دەپ ۇكىم ەتتى. تاياۋ ارادا پارلامەنت توراعاسى اندريان كاندۋ ۇكىمەت مۇشەلەرىن جاساقتاۋ تۋرالى جارلىققا قول قويادى. بۇل تۋرالى ەل پارلامەنتىنىڭ ءباسپاسوز قىزمەتى حابارلادى. حابارلامادا كاندۋدىڭ: "پرەزيدەنت مىندەتىن ۋاقىتشا اتقارۋ مىندەتىن موينىما الامىن. جاقىندا جاڭادان ۇسىنىلعان ۇكىمەت مۇشەلەرىن تاعايىنداۋ بۇيرىعىنا قول قويامىن جانە ولاردىڭ رەسمي انت قابىلداۋ شاراسىن وتكىزەمىن" دەگەن ءسوزى كەلتىرىلگەن.

بىلتىر جەلتوقسان ايىندا پرەزيدەنت دودون ۇكىمەتتىڭ جەتى مۇشەسىن قىزمەتتەن بوساتقان ەدى. پرەمەر-مينيستر پاۆەل ءفيليپتىڭ ۇكىمەت مۇشەلىگىنە كانديداتتارىن دودون ەكى رەت قابىلداماي قويعان سوڭ بيلەۋشى كواليتسيانىڭ ءبىر توپ دەپۋتاتى كونستيتۋتسيالىق سوتقا شاعىمدانعان.

Abai.kz