وزبەكستان: مۇعالىمدى "كونستيتۋتسيالىق قۇرىلىمعا نۇقسان كەلتىردى" دەپ ايىپتادى
وزبەكستاندا مۇعالىم ءارى ەكونوميست حاەت ناسرەددينوۆكە كونستيتۋتسيالىق قۇرىلىمعا نۇقسان كەلتىردى دەگەن ايىپ تاعىلدى. بۇل تۋرالى 6 قاڭتاردا AsiaTerra باسىلىمى ءوز دەرەككوزىنە سىلتەمە جاساپ حابارلادى.
تاعىلعان ايىپتار دالەلدەنسە، مۇعالىم 10 جىلدان 20 جىلعا دەيىن سوتتالادى. AsiaTerra باسىلىمىنىڭ حابارلاۋىنشا، وعان ايىپ تاققان سوڭ ناسرەددينوۆ پەن جۋرناليست بوبومۋرود ابدۋللاەۆتىڭ قىلمىستىق ىستەرىن بىرىكتىرۋى مۇمكىن.
بۇعان دەيىن ابدۋللاەۆ پەن ناسرەددينوۆتى بەتتەستىرگەن. سونىمەن بىرگە، ەكەۋى دە (بالكىم، قىسىمنان) تاۋەلسىز ادۆوكات قىزمەتىنەن باس تارتقان.
ناسرەددينوۆ سوڭعى جىلدارى تاشكەنتتىك مەكتەپتە ەكونوميكا پانىنەن ساباق بەرىپ ءجۇردى. 2010 جىلدان بەرى ول ازاتتىق راديوسى ءۇشىن وتىزدان استام اۆتورلىق باعانا جازعان. 2012–2013 جىلدارى شەتەل باسپاسوزىنە سۇحباتتار بەرگەن.
Abai.kz
