اشحاباد بازارلارى بوساپ قالدى، كوشەلەردە پوليتسيا قىزمەتكەرلەرى ازايعان
اشحاباد بازارلارىنا كەلۋشىلەر سانى كۇننەن كۇنگە ازايىپ بارادى، قالا كوشەلەرىندە پوليتسيا قىزمەتكەرلەرى سيرەدى، دەپ حابارلادى ازاتلىك دەرەككوزى..
تۇركىمەنستان استاناسىندا پوليتسيا قىزمەتكەرلەرىنىڭ ازايعانىن دەرەككوز پرەزيدەنتتىڭ اشحابادتاعى تەكسەرۋىمەن بايلانىستىرادى.
بۇعان دەيىن كوشەنىڭ ءاربىر جاعىندا كەم دەگەندە 2-3 پوليتسيا قىزمەتكەرى باقىلاپ جۇرەتىن، قازىر ءاربىر ەكى شاقىرىم سايىن ءبىر پوليتسيا قىزمەتكەرى عانا قالعان. مەملەكەتتىك اۆتوينسپەكتسيا قىزمەتكەرلەرى دە ازايعانى بايقالادى.
جەرگىلىكتى باقىلاۋشىلار بۇنى قۇقىققورعاۋ ورگاندارى قىزمەتكەرلەرىنىڭ قىسقارتۋىمەن بايلانىستىرادى. وتكەن جىلى جەلتوقسان ايىندا لەباپ وبلىسىندا قۇقىققورعاۋ ورگاندارى شتاتى قىسقارتىلۋى مۇمكىن ەكەندىگى حابارلانعان.
وتكەن اپتادا ازاتلىكتىڭ اشحابادتاعى ءتىلشىسى استانا بازارلارى بوساپ قالعانىن كوردى. جاڭا جىل قارساڭىندا بازارلاردا بارلىق ازىق-تۇلىك، تۇرمىس زاتتارى قىمباتتاپ كەتتى. ۇن، قانت، ءوسىمدىڭ مايى جايمالاردان بىرنەشە مارتە جوعالىپ كەتتى.
Abai.kz
