اتىراۋ اكىمى قول استىندا جۇمىس ىستەگەندەردىڭ سىبايلاس جەمقورلىقپەن اينالىسقاندارى ءۇشىن تۇرعىنداردان كەشىرىم سۇرادى. بۇل تۋرالى اتىراۋ اكىمدىگىنىڭ «Facebook» جەلىسىندەگى پاراقشاسىنادا جاريا بولدى.

«ورايى كەلگەندە ايتا كەتۋ كەرەك، سوڭعى كەزدەردە باق مەن الەۋمەتتىك جەلىلەردە ەكى بىردەي كوممۋنالدىق قىزمەت كورسەتۋ مەكەمەلەرى باسشىلارى مەن قالالىق تۇكش ءبولىم باسشىسىنىڭ ورىنباسارى قاماۋعا الىنعاندىعى تۋرالى اقپارات قىزۋ تالقىعا تۇسۋدە. قازىر بۇل ازاماتتاردىڭ بارلىعى قاماۋعا الىنىپ، سوت پروتسەسىن كۇتۋدە.  ولاردىڭ كىنالىلىك دەڭگەيىن سوت انىقتايدى.

ايتا كەتۋ كەرەك، كوممۋنالدىق قىزمەت قورسەتۋ سالاسىنداعى باسشىلىق قىزمەتتە بولعان بۇل ازاماتتاردىڭ جاۋاپكەرشىلىككە تارتىلۋى مەنى قاتتى قىنجىلتتى. قالا باسشىسى رەتىندە مەن بۇل جاعدايلاردىڭ ورىن العانى ءۇشىن تۇرعىنداردان كەشىرىم سۇرايمىن! ءبىز ءوز قاتارلارىمىزدا جەمقورلىقپەن كۇرەستى ۇدەتىپ، ابىرويىمىزدى نۇقسان كەلتىرەتىن ارەكەتتەرگە جول بەرمەۋ ءۇشىن بارىمىزدى سالاتىن بولامىز!»، - دەپ كەلتىردى ءباسپاسوز قىزمەتى الەۋمەتتىك جەلىدە اكىم سەرىك شاپكەنوۆتىڭ ءسوزىن.

سونىمەن قاتار، ول بۇگىندە قالادا ورتالىقتىرىلعان جىلىتۋ جۇيەسىمەن جابدىقتالعان 977 كوپقاباتتى تۇرعىن ءۇيدىڭ بار ەكەنىن ايتتى. اۆتونومدى رەجيمدە بالىقشى جانە نۇرسايا مولتەك اۋدانداردى عانا جىلىتىلادى. بيىلعى جىلىتۋ ناۋقانىندا اتاپ ايتارلىقتاي ءىرى اپات ورىن العان جوق. جالپى كىشىگىرىم ورىن العان اپاتتاردى پيك-ءى جوندەۋ جۇمىستارىن ۋاقىتىلى جۇرگىزىپ وتىردى.

سوڭعى قۇندەرى قاردىڭ قالىڭ تۇسۋىنە بايلانىستى قالا بويىنشا 28 جۋىق ارنايى تەحنيكا كۇنى-ءتۇنى تىنباستان قالانىڭ كوشەلەرىن اق ۇلپادان تازارتۋ جۇمىستارىنا جۇمىلدىرىلدى. ەگەر تازالاۋ جۇمىستارىنا قاتىستى ۇسىنىستارىڭىز، نازارلىقتارىڭىز بولسا Telegram مەسسەندجەرىندەگى "اكيمات اتىراۋسكوي وبلاستي" چاتى ارقىلى جولداۋىڭىزعا بولادى. بۇعان قوسا سمارتفوندارىڭىزبەن "اتىراۋ تسيفرلىق قابىلداۋ" قوسىمشاسى ارقىلى دا بايلانىسقا شىعۋىڭىزعا تولىق مۇمكىندىك بار.

Abai.kz