21 قاڭتاردا جاريالانعان ماقالادا ءتيوپ باسشىلارى سيرياعا جىبەرگەن تاجىكتەردىڭ دەنى سوعىستا قازا بولعانى ايتىلىپ، "ولاردىڭ قانى پارتيا باسشىلارىنىڭ موينىندا" دەلىنگەن. ماقالا اتۆورلارى پارتيا تاريحىنا قىسقاشا توقتالىپ، ودان سوڭ تاياۋ شىعىسقا وسى پارتيانى قولداۋ ءۇشىن اتتانعان تاجىك ازاماتتارىنىڭ ءتىزىمىن كەلتىرگەن.

وندا سوعدى وبلىسى سپيتامەن اۋدانىنىڭ 35 جاستاعى تۇرعىنى سايفيددين تاجىباەۆتىڭ ەسىمى اتالعان. ول پارتيانىڭ اۋداندىق ءبولىمىن باسقارعان، قازىر سيرياداعى «جابحات ان-نۋسرا» تەرروريستىك ۇيىمىن باسقارۋشىلاردىڭ ءبىرى دەلىنگەن.

تاجىباەۆتى تەرروريستىك ۇيىمنىڭ وزبەك قاۋىمىن باسقارادى دەپ اتادى. سيريادا ونىڭ باۋىرى يبروحيم ينوم سوعىسىپ ءجۇر دەلىنگەن ماتەريالدا.

ءتيوپ ۇيىمىنىڭ شەتەلدەگى باسشىلىعى ەكسترەميستىك نەمەسە تەرروريستىك توپتارعا قاتىسى بار دەگەن ايىپتاردى جوققا شىعارىپ وتىر.

Abai.kz