پوليتسيا 21 قاڭتاردا استانا – پەتروپاۆل تاس جولىندا Van Hool اۆتوبۋسى تۇرىپ قالعانى تۋرالى مالىمەت العان. اۆتوبۋس پەتروپاۆل-سارىاعاش رەيسىنە شىققان. قاتتى ايازدان اۆتوبۋستىڭ ديزەل وتىنى قاتىپ قالعان. سالوندا 43 جولاۋشى بولعان. ەكى جۇرگىزۋشى - وڭتۇستىك قازاقستان وبلىسىنىڭ تۇرعىندارى، قالعاندارى - وزبەكستان ازاماتتارى.

قۇتقارۋ قىزمەتى جولاۋشىلار مەن جۇرگىزۋشىلەردى شورتاندى اۋدانى بوزايعىر اۋىلىندا ۇيىمداستىرىلعان جىلى ورىنعا جەتكىزدى. ولارعا تاماق پەن توسەك بەرىلدى.

بۇعان قوسا، دۇيسەنبىگە قاراعان ءتۇنى پوليتسيا قىزمەتكەرلەرى بۇلاندى اۋدانىندا بۇزىلىپ قالعان Setra اۆتوبۋسىنداعى جولاۋشىلارعا كومەكتەستى. ولار مەركە-تيۋمەن باعىتىمەن شىققان. سالوندا ەكى جۇرگىزۋشى جانە 55 جولاۋشى – تاجىكستان ازاماتتارى بولعان. ولاردى جىلى ورىنعا جەتكىزدى.

قازاقستاننىڭ اقمولا وبلىسىندا قاتتى ايازعا بايلانىستى بارلىق باعىتتارعا قوعامدىق كولىكتەر ءۇشىن جول جابىلدى. پوليتسيا ازاماتتاردى الىس جولعا شىقپاۋىن سۇرادى.

ەسكە سالايىق، وتكەن اپتادا سامارا – شىمكەنت تاس جولىندا اۆتوبۋس ورتەنىپ، 52 ازامات قازا تاپتى. ولاردىڭ بارلىعى وزبەكستان ازاماتتارى ەدى.

Abai.kz